الأخوة والأخوات رواد هذا الصرح
السلااام عليكم ورحمة الله وبركاته
هذه قصيدة مختلفة نوعاً ما ، آمل أن تنال استحسانكم
وتصل إلى مستوى ذوقكم الرفيع
،،،
،،
،
وش عـاد بـاقـي بـعـد *** مـن يـوم خـلـي ابـتـعـد *** وخـذ الفـرح والـسـعـد
والـقـلـب يـبـكـي *** وحـالـي شـانـت أوضـاعـهـا
الـحـب جـاب الـسـهـد *** والـبـعـد جـاب الـنـكـد *** والـهـجـر ضـد الـشـهـد
والـروح تـشـكـي *** ونـور الـعـيـن مـن لاعـهـا.
بـالـحـب خـلـي انـفـرد *** فـي الـقـلـب قـام وقـعـد *** نـضـا الـمـشـاعـر عـدد
نـاوي بـشـبـكـي *** طـبـيـب الـروح وأوجـاعـهـا
شـفـت الـشـفـق والـبـرد *** والـروض ورد إلـتـبـد *** فـيـه الـجـمـال اسـتـبـد
يـا كـيـف أبـحـكـي *** وروض الـقـلـب مـربـاعـهـا
مـا مـعـي غـيـر الـجـسـد *** والـفـكـر مـنـي شـرد *** روّح وعــيـّا يـرد
كلــه سـبـبـكـي *** يـا شـوف الـعـيـن وشـعـاعـهـا
الـشـعــر بــه مـا نـفـد *** كـنـه بـروق ورعــد *** شـعـرٍ بـوصـفـه ركـد
والـحـبـك حـبـكـي *** و حـاصــدهــا و زرّاعــهـا
شعـري أبـد ما هـجـد (1) *** مـا بــيـن جـزرٍ ومد *** وجزره لمَـدِّه مِـدَد
وأبـعـد ضـعـنـكـي *** وشـيـّب عـيـنـي وراعـهـا
يـا ليـت حبـي هـجـد(2) *** قلـبـك وثـبـّت وتـد *** و رفـع خـيـام بـعـمـد
ثـمِّ شــغــفــكـي *** وفــلـكك مـيـّل شـراعـهـا
أشكي هجر من أود *** اللي بخفوقي اعتمد *** وسهم يخبر سعد
و الـعـلـم يـزكـي *** معـنـِّزهـا على سـبـاعـهـا
ما فيه شي استجد *** الـيـوم مـا بــه مــصــد *** في حـدود دار الفهـد
موضوع بَـرْكي *** ومـن يـشـري و مـن بـاعـهـا
مـحـدٍ مـكانـه يسـد *** أبـد مـا غـيره أحـد *** هـو غـايـتـي فـي الـبلـد
أنـجـزت صكي *** و خــتــم الــحــب طـبـّاعـهـا
-----------------------------------
(1) : لم يتوقف .
(2) : أتاه بعد منتصف الليل على حين غرة ! .
