المشاركة الأصلية كتبت بواسطة طلال الحافي
[align=center]اتمنى ان تحز على
رضاكم
(( من بين الاوراق القديمة ))
طلال..
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=1 line=0 align=center use=ex num="0,black"]
الصاحب اللي وسط قلبي تمشى=يابو عبيّد كنه البارحة كاش
بين الحنايا شب نار وتعشى=وأقفى وانا من همه اليوم منداش
همٍ ينش القلب ياخوك نشا=ومن قو نشه خاطري يجهش اجهاش
كني يتيمن عنده الهم قشا=وسود الليالي مسكنه لاحصل ماش
يجهش بدمعه والسعاده تلشى=كن السعاده لا لفا الهم تنحاش
القلب يافيصل تلقاه رشى=رشٍ يبيد القلب من زند رشاش
رشٍ بوسط القلب زاد وتفشى=وخطرٍ علي أزور ساحات الإنعاش
بأسباب غروٍ لاعني ثم كشا=واحرق بكشه حبٍ بداخلي عاش
حبٍ بجوفي للضلوع يتغشى=بين الحنايا حط له بيت وأعشاش
جاني بلا موعد وبالقلب دشا=كن المعلق قصر وضلوعي احواش
وطش الهموم بداخل القلب طشى=وحش الفرح في داخلي حش حشاش
ضلوع صدري صارت اليوم هشى=والدمع في عيني بدا ألفين مطراش
واليوم همي في ضلوعي تفشى=وبأسباب همي خطرٍ ازور الإنعاش[/poem]
احترامي..[/align]
