وش تبين آقول: ؟!
قولي..!
وانا آبرجع وآقول:
والله ان الصمت بالنفس جاوز حدها..!
من رأى حالي وماصبها قال مهبول..!
للاسف حالي تردت وهذا ردها
عقب ماجسمي طلع صح .. راجع للنحول
وعقب توديعك حياتي ضماها لدها..
الزهور الى ضُمَتْ وانتحت يم الذبول
تنسقى من قبل يقتل جفافه ندها
وانتي اسرعتي بقتلي وانا طبعي خجول
ماطلب الكاسه ياكود انتي اللي مدها
ارحمي تكفين وضعي بحولٍ تلو حول
كل ليله حالتي همها ممتدها
خابت احلامي ولافاد رجواي الوصول
وافلست نفسٍ قساوتك دوم تصدها
والوداع اللي تلوح به آمر الحلول
تزهق ارواحٍ بماض السنين تشدها
ليه غيرتي المبادي وخيبتي الرسول
للاسف روحٍ بك اتعلقت من حدها..؟!
ماهي عاده قتل الانفس بعينك تقل اصول..!
روح كفر عن سواياك شي يردها
حالة العاشق الى هام .. نهاية عقول..!
قالها اللي شرهت الناس بيح سدها
كل ماحاول عن اللوم وعتابي مانول
ترجع كبار المآسي علي بجدها
ول ياشين الموادع وطرياه القتول
افلست نفس وداعك ماهو في ودها
واحمضت فيها المراره وصايبها ذهول
والخوافي مايوصف عذابٍ كدها
شابت عيوني ولاعاد انا ادري ويش آقول: ؟!!
لكن الصمت ابلغ من الهروج وردها
*
*
*
