اول مشاركه بالمنتدى في في قسم المحاورة وابي اقرب شاعر

بسم الله الرحمن الرحيم
السلام عليكم
حبيت ابدا مشاركتي فالمحاورة واتمنى اني استفيد قبل اني افيد..
ولاني امدح نفسي فالشعر والله اني مبتدى ويالله عسى اجمل واتمنى معاونتكم يالربع
وبدون مقدمات ااببدا بالمحاورة لو تسمحولي

سلامي عليكم يازحول الرجاجيل..سلامن موصل من شاعرن مبتدي
زعيم الغابة امخول بليا تخويل..يامر على المرتوي لياصل موردي

مرحبابك بين اخوانك وبداية موفقه باذن الله واستلم يا كفو

سلام ردية والليالي مقابيل = سلامن انقى من بياض بردي
هات العلوم و هات التفاصيل= من بعد غيبه منك يالمبتدي

مزاجي يكيف بريح البن والهيل..ماقدر اصله لانه ماهو في يدي
ناسن ذاقت المره عذابن وتنكيل..وانته راقد في بيتك وليلك سرمدي

تراك من روس الرجال الحلاحيل = اركد وخلك بالقرار محدّدي
او روح للمشفى وسوّ التحاليل = وازن علاجك قبل لا ترقدي

تراك من روس الرجال الحلاحيل = اركد وخلك بالقرار محدّدي
او روح للمشفى وسوّ التحاليل = وازن علاجك قبل لا ترقدي

مدري على اي بحر تلعبوون كل واحد مروّح فديره مير الله يستر عليكم واصلوا

انا بديت وهو ماجاراني باللحن

انت مبداك كل ولد من بلد

نتقبل النقد ياخووووك انا مامدحت نفسي وبالعكس ودي احد يعلمني ويوجهني...

واصلوووووو

مع اني ماعرفت وش الحن الي تلعبون عليهـــ

هذي آخرتها يالمشهر

اعتقد درس زي كذا مافيه خصوصا اذا النجم ميه الميه موجود

عطـــــّــــرت متصفحنا يالنجم وبارك الله فيك

صح السانك يا شمال شرقي

مبادرة عظيمة منك لا يبادر فيها إلا شاعر كبير مثلك

كان بودي أن 100% فهمها من أول وهله و لكن أسغرب أنه يسأل

صح السانك يا المشهر


تحياتي لكم جميعاً

والله اني ماني فاهم ايش الي تتكلمون عنه لكن سامحونا كانا زلينا بشي غلط ولا شي

انا ياماما طقم صحون عارف وش يقصد اخوي شمالي وكلامي موجه للشاعر المشهر
اسعدني تعقيبك (واخيرا يتواجد عمالقة المنتدى)
اخوي المشهر انت ماغلط بالعكس انت وافي ولكن شوف رد اخوك شمالي شرقي الثاني وتعرف مقصده .
تحيااتي لكم واشواقي

فاهم انه يقصد وازن بيوتك لكن انا ماجيت اكابر بس ابيكم تعلموني شفت اللحن معي اوك ماشي وانتوا الصواب وانا الخطا

اقتباس:

---

المشاركة الأصلية كتبت بواسطة المشهر

نتقبل النقد ياخووووك انا مامدحت نفسي وبالعكس ودي احد يعلمني ويوجهني...

---

ياهلا وغلا بالمشهر
صح السانك

نقد هادف اخوي بما انك تتقبل النقد بصدر رحب وهذا لثقتك في نفسك وطيب اصلك

اخوي الفاظك رائعة وجميله واختيارك للمفردات رائع ولا كن يلزمك الوزن

فيجب ان تشيل ابياتك على اي شيلة اولحن معروف من الحان المحاورة
اذا ضبط معك البيت على اللحن اعرف انه موزون

فمثلا الشطر الاول ياتي على الحان عدة
اللي هو: سلامي عليكم يا زحول الرجاجيل
وهو موزون ومقفى فانت غن هذا الشطر على اي لحن حتى يضبط معك بدون وقفه او لكه
كرره على هذا اللحن اللي ضبط معك ثم غن الاشطر الثانيه ستجدها لا تاتي على هذا اللحن
وذلك لوجود خلل بالوزن ومع الوقت ان شاء الله ستتقن الوزن
فمثلا نحاول نضبط الشطر الثاني على بحر الاول نقول:
سلامي عليكم يا زحول الرجاجيل=سلامي لكم من شاعرن تو مبتدي
اومثلا :سلامي لكم من شاعرن فذ مبتدي
او: عدد ما تلوح ابروق مع رعد يرعدي
لااريد ان نغير الالفاظ كليا ولكن هكذا لكي يصبح موزون على بحر الشطر الاول
::::::::::::::
فقط لديك الوزن حاول تقراء عن طريقة وزن القصائد وسوف تتقنه باذن الله،،،

وصح الله السانك

اقتباس:

---

المشاركة الأصلية كتبت بواسطة طقم صحون

صح السانك يا شمال شرقي

مبادرة عظيمة منك لا يبادر فيها إلا شاعر كبير مثلك

كان بودي أن 100% فهمها من أول وهله و لكن أسغرب أنه يسأل

صح السانك يا المشهر


تحياتي لكم جميعاً

---

اخت طقم صحون

ياليت تشرفينا هنا
http://vb.g111g.com/f72/اقرب-شاعره-198231/

......