سامحوني على الأنقطاع
مدخل :
فرقاك .. له فالضيق عرق وديانة
وأبطــى يـــــدور للعبــــادة محــلا
وأبشرك .. حصل بصدري مكانة
كبّر على عــوج الحنايا وصــلّى
راحت وطفّت شموع الحب بإيديها
............ ماكنّها أول غلا يطغـــى ويوقدهــــا
الحين .. يوم أدفت ضلوعي تطفّيها؟
............ والبرد جمّد ضلوعي وينهـــا يدهـــا؟
كيف آتصبّر , ضلوعي من يدفّيها
............وأنا على قطع حبل الوصل موعدهــا
أذا نستني فـ أنا ماني بـ ناسيها
............ ماني بـ متعود أعرف ناس وأجحدها
وش لون !! من عاد أبيع الناس وأشريها
............ اللــي ماكنت آتخيل يوم اباعدها
الشوق نارٍ حطبها من حكاويها
............ فــي كـل ليلة سنـا الذكرى يجدّدها
قفّت .. وقلبي دعته وراح قافيها
............ قفّت عسى الله يرحمني ويسعدهـا
قولوا لها : عندي الدنيا ومافيها
............ ماعاد تسوى ويسواهـا تواجدهــا
أحبّها .. أعداد !! لو أعدّ ما احصيها
............ والحين أنا كثر ماحبيتهـا أفقدهـا
مخرج :
يضيق كونــي .. وأقـول : الكون ياوسعـه
مبطــي وأنـا لانــي بـ عاشـــق ولاهــايـــم
شبيهة الشمس .. غابت شمس هالجمعة
وأنتي طويتي شعاعك والسمـــاء غايــــم
الفرق بينك وبيــن الشـمس ! فالرجعــــه
تشرق مع السبت .. وأنتي غيبتـك دايــــم
http://www.tfasel.com/vb/images/smilies/flower.gif لــ قلوبكم
