$$ كنّك فتحت حساب والقلب صرّاف $$
مساؤكم شعر
غلاك مثل الدم يجري فالأطراف
ويمنح خفوقي فوق طاقته طاقه
كنّك فتحت حساب والقلب صرّاف
وتسحب غلا من خافقي بالبطاقه
هذا وأنا أحبك وأراعيك .. وأخاف
وشلون لو تقطع بيوم العلاقه .. ؟!!
صحيح بإن الحب ماهوب ينشاف
وما فيه مخلوقٍ من الناس ذاقه
لكنه إليا طاف فالآدامي طاف
وخلاه عايش فالعمر باشتياقه
له سلطةٍ غطت على كل الأعراف
مضمونها بين العقل والطفاقه
تقدر تقول العاشق إنسان شفّاف
وتقدر تقول إن فيه للحب ساقه
صداقةٍ من غير تقدير تنعاف
وشلون عاد الحب .. خل الصداقه .. ؟!!
واللي جمعنا حب وافين وأشراف
أعلنت بعده للخفوق انطلاقه
بغرقك امن الغلا وأسرف إسراف
عشان ما تشكي من الحب فاقه
الكامل الله وأنت تعبّت الأوصاف
فيك اجتمع حسن الوجه واللباقه
تفرق على غيرك ومن باب الإنصاف
أنت الوحيد اللي تعرف الأناقه
.
.
وسلامتكم
.
.
رد: $$ كنّك فتحت حساب والقلب صرّاف $$
الكامل الله وأنت تعبّت الأوصاف
فيك اجتمع حسن الوجه واللباقه
وفي شعرك يابوعبدالله اجتمعت الجزالة والفكرة والصياغة
صح لسانك مليون ولا يكفون
رد: $$ كنّك فتحت حساب والقلب صرّاف $$
**
غلاك مثل الدم يجري فالأطراف
ويمنح خفوقي فوق طاقته طاقه
صح لسأنك ّ
رد: $$ كنّك فتحت حساب والقلب صرّاف $$
صحيح بإن الحب ماهوب ينشاف
وما فيه مخلوقٍ من الناس ذاقه
لكنه إليا طاف فالآدامي طاف
وخلاه عايش فالعمر باشتياقه
مدرسة يابوعبدالله
صح قلبك وكلك
وسلمت اناملك
تحيتي لك
رد: $$ كنّك فتحت حساب والقلب صرّاف $$
الله الله عليك يابو عبدالله
صح لسانك مليون واكثر ولا هنت
أبدعت واجزلت وتقبل ودي وتقييمي فايف ستارز.
رد: $$ كنّك فتحت حساب والقلب صرّاف $$
تفرق على غيرك ومن باب الإنصاف
أنت الوحيد اللي تعرف الأناقه
وانت بعد يابو عبدالله تفرق عن غيرك
ومن باب الانصاف انت مبدع ومميز الله لايضرك
صح لسانك مدد بلا عدد
وبيض الله وجهك على هالرائعه
دمت بماتحب
رد: $$ كنّك فتحت حساب والقلب صرّاف $$
صح لسانك يابو عبدالله وبيض الله وجهك
قصيده من الوزن الثقيل ولا هي بغريبه من شاعر بحجم
مفرح بن مناحي
الله لايهينك
رد: $$ كنّك فتحت حساب والقلب صرّاف $$
حروفك تناثرت هنا ألقاً كحبات المطر
يزينها قلمك البهي الندي وهو يطرز أجمل الكلمات
دمت بحس شعرك و شعورك ..متألق
يرعاك ربي ويحفظك
سلامي وشكري
رد: $$ كنّك فتحت حساب والقلب صرّاف $$
صح لساااانكـ اخوي..
تخطت حدود الروعه بكثيييييير..
كل حرف منها جدير بالاقتباس..
لااا هنت..
تحيتيـ
رد: $$ كنّك فتحت حساب والقلب صرّاف $$
صح بدنك يا نادر
ومشكور على المرور
رد: $$ كنّك فتحت حساب والقلب صرّاف $$
تفرق على غيرك ومن باب الانصاف
صح لسانك يامجنووووووووون والله انت اللي يحبك الشعر بفن
رد: $$ كنّك فتحت حساب والقلب صرّاف $$
صداقةٍ من غير تقدير تنعاف
وشلون عاد الحب .. خل الصداقه .. ؟!!
,
,
الله .. الله
الف صح لسانك يابو عبدالله ولاهنت
رد: $$ كنّك فتحت حساب والقلب صرّاف $$
حياك الله يا منصور
وصح بدنك يالغالي
رد: $$ كنّك فتحت حساب والقلب صرّاف $$
صح لسانك اخوي
اختك
نايفة شمر
رد: $$ كنّك فتحت حساب والقلب صرّاف $$
يعطيك العافيه كتاباتك مميزه اهنيك عليها
دايمآ مبدع وابياتك تشهد لك كلمات جميله ومعبره اتمنى لك التوفيق
انتظر جديدك المتألق...
رد: $$ كنّك فتحت حساب والقلب صرّاف $$
صح بدنك يابوعبدالرحمن
شرفني مرورك
