السلام عليكم ورحمة الله وبركاته
مغايرة للنمط المعتاد لقصائدي
كانت هذه ( المحاولة )
لعلها ترقى لذوائقكم الرفيعة
والا فاعذرو قصوري ...
لكم :
البارحه يوم النواظر تملّت
من نومها والله عليمٍ بخلَقِه
/
ثارت وصارت والشياطين فلّت
بقلبي وعقلي بين طعنه وفلقه
\
وانا بلشت وحكمتي ما تجلّت
واصبحت تايه والاشاوير حَلقَه
/
تعبت اهدّي خافقي ويتفلّت
وده يطير بخشم عقلي وحلقِه
\
هذا يقول اشحلوها لا تغلّت
تثيرني وتخلي الروح قلقه
/
وهذاك رايه من تغلت تخلّت
والمقفيه لحّق هواها بطلقه
\
يامشغلة كلي ترى الروح ملّت
والوضع ياروح الغلا صعب خِلقَه
/
تعالي الفرحه عن العمر ضلّت
وهاتي معك من حلو الايام شلقه
\
باب العذاب اللي مواريه طلّت
البعد مفتاحه وجيتك غلقه
/
قولي لقلبك روح مغليك ذلّت
شف كيف اكل من سوط الاحزان علقه
\
قولي له عيونه لشوفك تدلّت
( هات القميص ) الحق على العمر و القه
/
..
.
لأرواحكم :
:8:
