هذا ماقاله لي الشيخ أبن لادن

بسم الله الرحمن الرحيم

http://www.y4yy.net/images/15733324441336820435.jpg



مساء / صباح الخير جميعاً
أول شي العنوان ماله دخل بالموضوع
لأني أشتركت بلعبة أدخل السجن وطلبوا مني أنزل موضوع بمنتدى قضايا
احترت وش ادور موضوع للنقاش
وقلت بجيب لكم موضوع مضايقني شخصياً
وهو اني ما ارسل على احد ايميل إلا يحطني في قائمته الطويلة ويمتحني برسايله السامجة
المشكلة ودي أعرف وش يحس فيه إذا نسخ خبر من جريدة او من صحيفة الكترونية وارسلة لمية واحد
يعني لاتعب على محتوى الخبر ولا تأكد من تاريخه ولا تاكد من صحته أو من جوازه شرعاً
اغرب شي واحد معي مره يرسلي احلفك بالله ترسله لكل اللي عندك وتطلع رسالة دينية
ومره يرسل لي جديد شريط خالد عبدالرحمن المسرب من الشركة المنتجه
تصدقون أني تعرفت على ثلاثة يعرفون بعض وصارت تجيني الرسالة مكرره ثلاث مرات
وهذا يدل انه مرض معدي
مره ضاع ورع في القصيم ووصلتني من الاول وبعدها بساعة من الثاني وبعدها بساعه من الثالث بعدها بسنه جتني نفس الرسالة من شخص مايعرفهم
وارسلت له وقلت هذا باقي مالقوه اهله
يمديه اتزوج وصار رجال
تصدقون ؟
اعطيت مصري ايميلي يرسل لي صور حفل
اليوم اللي بعده لقيته مرسل لي رسالة هل تدري ماهي الوان السموات السبع
يعني المشكلة مهي محلية سعودية
المشكلة عربية على نطاق واسع
والله لا يوريكم طحت في القروب المصري وانواع الرسايل اللي مالها مذهب
وصرت " مدور ورعان " على مستوى دولي
وبدل ما كل يوم تجيني رسالة ورع ضايع في القريات وشرورة صارت تجيني رسايل ورع ضايع في كفر الشيخ والفيوم
لذلك طرت علي فكرة
بكتب ايميل منمق
وابيكم ترسلونه لكل اللي عندكم على الايميل
وشوفوا بيجيب نتيجه او لا
واذا ما جاب نتيجه نبي نزيد من قسوة الكلام في الايميل
نص الرسالة :
أخي / اختي العزيز/ة
صباح / مساء الخير
أعلم جيداً أنك مواطن عادي لا يمكن ان تقوم بضافة شي جديد لي
وانك لا تفقه في عالم الانترنت أكثر من اعادة توجيه الرسالة
لذلك أرجوك أرجوك أرجوك
ان تستبعدني من قائمة خياراتك أثناء إعادة بث رسائلك
فأنا لا أدقق بوجيه الاطفال لكي ابحث عن المفقودين منهم
واستطيع الدخول بنفسي على موقع جريدة الرياض والجزيرة نت وجميع الصحف الاخبارية
وعندما أريد أن اخدم ديني فسوف أقوم بذلك بمالي ولمن يحتاج وليس بازعاج الناس بالرسائل المجانية .
أقدر لكم شغفكم لتكونوا مركز إعلامي ولكن ليس على حساب صندوق رسائلي
هذا والله يوفقكم ويرعاكم وتجدون ما يلبي رغباتكم الاعلامية الجامحة .

هههههههههههههههههههه


رهيب يا نادر هالموضوع


العنوان مشوق وداخله اجمل


والله انك صادق بكل كلمة


والادهى والامر لما تجيك رسالة شتم وتسأل عن السبب


يكون عذرهم اني بشتم ناس معيين وحطيت القائمة كاملة ما تخيرت

يعني راح فيها الظالم والمظلوم


تستحق التقييم

الله يعطيك العافية

الله يرحم ابن لادن

والله يبارك في من سجنك خلاك تصدق علينا بموضوع من يدينك الحلوين

وعقبال مانشوف خريجين سجناء فالقسم ذا من الاداره طبعاً هههه

بصراحه انا مالي في هالامور الله يخلي لي جوالي N70 من سنة جدي محتفظ فيه وعسالله مايفرقنا عن بعض والله هالجوال عزيز علي وماني قادر افرط فيه او افارقه دقيقه ..

على كل حال لا انكر ان هناك مثلك يا اخي نادر منزعجين في مثل تلك الرسائل السامجه والتافهه والمشكله
ان ايميلك اللي تبي تكتبه راح يرجع لك ومن نفس الاشخاص اللي انت متضايق منهم هههههههه مع الخيل ياشقرا

يعني ناس شغلها الشاغل هات وخذ والى الوراء دور وعادتن سر ومكانك راوح والعموووم ثابت انصراف

المهم بيع جوالك وخلك على N70 ترى جوال سنافي

اشوف وشك بخير ,,,

حقيقة جذبني العنــــــــــــــــــــو ان وبقوة..!!

فدخلت دخـــــــــــــــــــــــ ـــووووول عنيـــــــــــــــف!!!

وقلت الله يســــــــــــتر...

بصراحه هذا الموضوع يضـآيق شريحة كبيرة من الناس..!!

تلك الرسائل المكرره والمعاده والمستهلكة كثيرا..

احترنا وأصبحنا لانعلم الحقيقي منها من الكاذب..

أهي مسألة نشر فحسب؟؟..أم لاتعدو نسخ ولصق ؟؟

وليتها وصلت عند هذا الحد ..!! بل تعدته إلى التشهير بالصور والمقاطع ..وغيره!!

وماهو أبعد من ذلك..ديانات وتشريعات ولانعلم ماالحكم فيها؟؟


فالحل برأيي...هو الحذف من القائمة لكل ماهو مزعج..!!


كل الشكر أستاذ نآدر...أستنآر القسم بهاالموضوع الشُعله..!!

تصدق يانادر
مر فتحت اميل صديقي واحسبه ايميلي
نفس الرسايل اللي عندي عنده

ويلوموني ليه ما افتح ايميلي >>>>من الغثى الي فية
بصراحة ما اقرا كل الوارد اغلب الرسائل معروفة من العنوان واسوي لها ديليت على طول



يعطيك العافيه

نادر الروقي

العنوان اسامه بن لادن والموضوع ايميلك ضيعتنا
يانادر هي مشكله والمشكله الرسايل وال فيها ومشكله المصرين هم اصلاكذا لماتتكلم معهم

ينشبون بك كيف رسايل معهم



كلمه

الله يجزي خير هالسجن استمتعنا بموضوعك الشيق

سلم ابداعك ممتميز دايما يانادر

الله يرج عدوووك
والله اني دااخله وانا اقول
ياارب وش قال بعد ابن لادن

استااذي الفاااضل مثل ها الرسااائل
انتشرت انتشار رهيب
الله يعينا عليها

لو داااريه بيطلع ها الابداع من استاااذنا الفاااضل كاان سجنااك منذ مبطي


عقباااااااااااااااااااال مااتدخله مره ثاااني وتمتعنا بأبداااعاااتك

احتراامي وتقديري

ام رعد

الرهيب تقييم للموضوع

وياما عانيت من الرسايل هذي ولكن متى تجي خدمة موجود للايميل


شاكر لك حضورك


الله يعطيك العافيه

ناصر الراشد

المشكلة ارتفاع اسعار البرسيم لها تاثير على البلايستيشن

وانت خابر ان الدولار ما عاد يجيب ببسي عائلة الحين

هههههههههه رد شاطح مثل عنوان موضوعي ومثل ردك علي ماعرفت وش دخل الجوالات بالايميلات

شاكر لك حضورك


الله يعطيك العافيه

ناااادر.. يصلح ندخلكـ السجن مره ثانيه؟! ^.^


موضوع راااائع..


ومشكله للأسف نعاني منها..

أكلف ما عليهم يسوون اعادة توجيه للكل..


تقدر تقول اننا ذوّبنا القيمه الحقيقيه للبريد الالكتروني.. يعني بدال ما يكون وسيلة سهلة للتواصل عن بعد.. أصبح مع الأسف:

مجال خصصصب للشائعات..
انتشار بدع والعياذ بالله..
احياء التراث القديم >> أخبار قديمه..
يرسلون لكـ ايميل 10 أشياء تجعلكـ سعيد >> والله يمكن نحتاجه اذا فتحنا البريد صراحه.. '~'


صرت أقول لزميلاتي اللي بيرسل لي شي مهم يعطيني خبر ع الجوال.. للكليه و زي كذا.. >> يعني تراني ما أفتح لا تتعبون عمركم..
ولا زلت أجد من ( المئه وزيااده ) من الرسائل في بريدي.. في فتره لا تتجاوز الاسبوعين..


يعني على قولة ناصر.. بترجع لكـ الرساله من معظم المضافين عندكـ.. وياااا ليييل ما اطولكـ..




بالفعل نحتاج إلى إعادة بناء ثقافة التعامل مع التكنولوجيا بشتى صورها.. كي نرتقي..




نادر الروقي..

يعطيكـ العافية..


تحيتيـ

هههههههههههههههههههه


ماش يانادر الظاهر السجن اثر عليك وارتفاع الاعلاف زادت الطين بله عندك


على كل حال لتوضيح فقط الان اصبح هناك وسيلة اقشر من رسائل الايميلات واسرع واصبحت اكثر انتشار وهي

وسائل المراسلات الاخرى

مثل البلاك بيري والايفون كالوتساب وشابك وبرنامج البرنجو و نبيز وغيرها الكثير وهذا ماجعلني اتطرق الى الجوال حيث انه جزء لا يتجزاء من موضوعك وفكرته


لاهنت ياخريج السجون ...

ههههههههه جبته بالصميم ..والمشكله انه محتوى الرسايل مهزوز وضعيف واشاعات وشي ماله معنى غالبا ومايزيد الطين بله يكتبون باخرها ما سامح ولا احلل الي ماينشرها وكأن لهم حق عندنا .. المفروض يكونون اكثر وعي وعقلانيه ..
يعطيك العافيه

والله انك صدقــــــــــت قسم
الله يعطيك العافيه ع هيك موضوع سلمت
دمت بحفـظه..

مداد

حياك الله

كلامك سليم اما حذف كل واحد يرسل رساله مزعجة مابقي احد في الايميل

هههه


شاكر لك حضورك

منوره الموضوع

هلا سامي


حياك الله


الله يعينك


شاكر لك حضورك

خشوف

اجل دليت على طول عندك مناعه من الرسايل


شاكر لك حضورك

منوره

حلم السراب

الرسايل كوم والمصاريه كوم ثاني شي عجيب


شاكر لك حضورك

غلا الروح

لاتعودينها وتدخليني السجن هي رمعه في العمر


شاكر لك حضورك


منوره

السلام عليكم

ياخي المفروض تفرح وتبادله نفس الشعور عاد وش كثر الأخبار الغريبه هالايام

دور لك كم خبر وكزها علاه هههههه

الله يسلم من دخلك السجن عشان هيك موضوع قليل بحقه رائع
المهم الرسائل وما ادراك ما الرسائل
ياهي بالهبل عندي بس عاد مكلمتك زوله استحاله تقراهاا او تسوي اعاده توجيه
على العموم يعطيك ربي الف عافيه

انين

والله مشكله الى الان بس من تشوف المرسل حولها على الدليت وارتاح

شاكر لكِ حضورك

ناصر

حياك الله


وانا معك انها تتعب بس اله يعين


شاكر حضورك

نوره

اما اللي يقول لاترسلها لغيرك هذا ودك تفرشه رسايله شينه ويتشرط بعد


شاكر لكِ حضورك ومشاركتك

متعبه

حياكِ الله

شاكر لكِ حضورك

<<شدني عنوان الموضوع على طول دخلت عليه
وإنك صادق ناس قروشه يالله تشوف رساله عدله
مافي الا حل وحيد احذف الرسايل وافتك
..

حق لمتصفحك التقييم والتمييز
والانضمام الى المواضيع المميزة بعد اكتمال الردود
جنائن ياسيمن تقطف لجمال طرحك فسلمت اناملك