قصيدة متواضعة للتواصل بعد غياب طوووووويل
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كشفت تمثيلك علي وانتهى الفلم=ولكل فلمٍ لو يطوّل نهايه
مانيب قايل مات من بعدك الحلم=وابعتبر فرقاك خطوة بدايه
الغيب ما لي فيه يا صاحبي علم=خدعتني بالبهرجة والدعايه
كنت اعتبر ظلمك ( محبة ) .. وهو ظلم=لين اكتشفت أنّي مع الوقت تايه
ورغم ( الألم ) كنت اتخذ خصلة الحلم=ألين صاحت بي جروحي كفايه .. !!
هذا وقلبي حبّ قلبك .. ولا سلم =وشلون لو إنّي من أهل الوشايه .. ؟!!
لي فالمحبة سلم .. ولخافقك سلم=وعيوبنا ما وضحتّها المرايه
لو للغلا ( منهج ) يدرّس وله ( علم )=لأقول عنّك ما تعرف القرايه
ولو للهوى فرسان في ( الحرب ) و ( السلم )=ركزت لي في ساحة العشق رايه
أنت البطل وتموت في آخر الفلم=وأنا الجريح اللي انتصر فالنهايه .. !!
[/poem]
.
.
وسلامتكم
.
.
