هَــمّ الرّيَــاض ..!!

أسعد الله جميع أوقاتكم بما يرضيه ..
شرّفني صديقي الشاعر (عبدالعزيز بن نايف) ودعاني للانضمام لهذا التجـمّـع الراقي في غرابيل ...
ومن البداية وضعي ملخبط شوي بسبب الأسم لأني ما انتبهت لشرط المنتدى ..! لكنّي راح اتدارك هالشيء وأوقّع قصايدي بأسمي بإذن الله .. (وأرجو من الإدارة تقدير ذلك ، مع وافي احترامي ...)
أول مشاركة سمّيتها (هــمّ الرّيّــاض) عساكم ما تشوفون همّ ولا من تحبّون :

يا عزيّز المنعور ما هي وصيّة
بشكي حتوفي يومها لي تدانا

في حبّ ربّة كلّ حسنٍ عذيّة
الجادل امّ المرهفات اللّيانا

ياخوك جوفي في حَراها لظيّة
حتّى عزومي المستشدّه تثانا

ودموعي اللي خبْرك ابْها عصيّة
اسخَت بها فيضة عيوني زمانا

رسَمْت من دمعي برمش المنيّة
في ظهر كفّي صورةٍ من شقانا

الوانها اشْحَب من شداد المطيّة
وابعادها اعْتَم من عجاجٍ غزانا

من فوح صدري فوحة الشاذليّة
في ضوّ ربعي مطلقين اليمانا

يا وجد قلبي وجد خاسر قضيّة
الحق له والظلم شاهد عيانا

ابْطَت وانا همّي تكالب عليّه
والخوف زوّد في عيوني وبانا

وامسيت حاير بين هذي وذيّه
بين الهجوس المستحلّه حمانا

وآلفت لي ليلٍ سواده خَطيّة
فيه الشعر يكــتَب حزنْ من دمانا

واجرّ صوتي باللحون الشجيّة
اللــي عليها كل نـجــمٍ بكــانا

يا حظّنا اللي بين طيحه وهَيَّه
إمّا برك وإلاّ علينا توانى

مرت شهورٍ بين روحه وجيّة
وَلا لقينا غير زايد عنانا

يالله طلبتك في هَوانا عطيّة
تجمع قلوبٍ ما رضت بالهوانا

والمملكة تدعي مع الفيصلية
امسى الرياض وكل همّه لقانا

حسام بن عبدالله

حسام بن عبدالله

اهلا بك وبقلمك في غرابيل


وكل لاشكر لمن قدم لك هذه الدعوة


مصافحة اولى ستجبرنا على انتظار جديدك


صح قلبك وكلك


وسلمت اناملك


تحيتي لك

.
.


صح لسانك يا حسام
صح لسانك


ابحث بين الجمال لاقتبس .. فاحترت بين هذه و تلك
ابيات لا فض فوك يا شاعرها
حوت الجمال و زهت البيان و اتقن نسجها شاعرٌ مبدع
سأعيد قراءتها مراراً و تكراراً..

لأنها القصيدة بتفاصيلها .


تقبل مروري عابراً القى التحية ؟



.
.


:8:
..

يامرحبا ياحسام

وحياك الله بين اهلك وأخوانك

وبيض الله وجه الشاعر عبدالعزيز بن نايف على هالدعوه

وصح لسانك ملايين ولا يكفون

مصافحه اولى رائعه

بإنتظار القادمِِ

والمملكة تدعي مع الفيصلية
امسى الرياض وكل همّه لقانا




صح لسانك وكلك

قصيده ولا أجمل

ودموعي اللي خبْرك ابْها عصيّة
اسخَت بها فيضة عيوني زمانا
,
,
الله ,, الله



يا حظّنا اللي بين طيحه وهَيَّه
إمّا برك وإلاّ علينا توانى
,
,
هههههههه ضحكني البيت هذا
الله يزين حظك وفالك يارب


حسام بن عبدالله ..

الف الف صح لسانك ولاهنت ولاهان داعيك

سجل المتابعه بإذن الله

أبوعبدالرحمن

الله يسلمك ويبقيك .. وصحّ رايك

لاهنت

مشعل النايف

الجمال في حضورك الله يبقيك .. وصحّ رايك

لاهنت

سامي العطاوي

الله يبقيك ويسلمك , ويستاهل ابو نايف ... صحّ رايك طال عمرك

لاهنت

عزوز

صحيّت وصح رايك ..

لاهنت

محمد بن ضاوي

جعلها دايم ضحكتك .. وصحّ رايك لاهنت

تشرفني متابعتك

حياكـ الله يا حسام..

وصح لساانكـ على القصيدة الجميله..



بداية ستجبرنا على المتابعة..


تحيتيـ

نص رائع لقلم مميز
صح لسانك وسلم بنانك
ودام هذا الشعور العذب
أخوك
مفرح السبيعي

مرحبابك يا حسام
صح لسانك وسلم بنانك
تحيتي لك

يا هلا ويا غلا اخوي حسام
وصح لسانك وسلم بنانك
فائق تقديري واحترامي

أنـ الذكريات ـين

صحّ رايك .. تشرفني متابعتك

لاهنتي

مفرح بن مناحي

صحّ رايك يا مفرح .. مشكور على كلماتك

لاهنت

بيان الغنامي

ابقاك الله .. صحّ رايك

لاهنت

عاشق الحزن

الله يسلمك ويبقيك .. وصحّ رايك

لاهنت