[grade="00008B FF6347 008000 4B0082"]فضائح × فضائح
سلام علااااااااااااكم جميعا دون استثناء
ياجماعة أنا حبيت أكتب موضوع في الصرقعة ويكون محتواه مواقف محرجة ( فضائح حقيقية )
وحصلت لوخيتكم في الله
الهرجة ومافيها سلمكم الله أنا عندي وليد صغير مدري هذا الولد جاب لي الفضائح
وأنا والله مدري ألقاه منه والا من أبوه
الزبيدة : باختصار لانكم مصرقعين وتحبون تقرون السالفة بدقيقة قصدي الفضيحة
وتردون بدقيقة والهرجة نصها مافهمتوها باقي
الفضيحة الأولى
سألني يوم ولدي قال يمه قلت هاه قال ليش أقول لزوجة خالي محمد خالة هي أختك
قلت لا هي ماهي أختي ولكن احتراماً قلها خالة قال لالالالالالالالا
مابي أقلها خالة وتنشابنا أنا ويه وعجزت فيه قلت بكيفك
الفضيحة مهي هنا الفضيحة سافرنا عند أخوي بجدة وعزمنا في أسماك القلزم
وماقصر لا هو ولاحرمته معانا يوم تعشانا سمك وربيان وانتم عارفين كم الكلفة بتطلع
قال ولدي الي قلت لكم عنه في أول الهرجة لزوجة أخوي يا،،،،،،، باسمها شوفي ولدك
قلت ولد عيب قول خاله قال أنت تقولين هي ماهي خالتك هي ماهي اختي
قلت صح أنا قلت هي ماهي أختي بس قولها خالة احتراماً
بس أقول والا ماأقول الفضيحة وطيحت الوجه صارت وبس
الفضيحة الثانية
جلس ولدي الماخوذ يسألني يمه ليش بعض الحريم يلبسون قصير ويكشفون وجههم
قلت حبيبي هذولا كفار لكن المسلمات يغطن بس سكت
ورحت المستشفى وقابلت مصريات كاشفات وجلست أسولف معهن إلا ودخل
ولدي قال يمه قدام الحريم وبصوت عااااااااالي ليش تكلمين الكافرات
قلت هاه هذولا ماهم كافرات هذولا مصريات قال لالالالالالالالالا
أنت تقولين الي تكشف وجهه كافرة
ياجماعة تعالوا دوروني ماتلقوني
الفضيحة الثالثة
رحت عمرة وراح معي هالولد وكنت أبيه مايروح قلت بتتعب قال بروح
قلت أخاف يسرقونك التكارنة قال بروح مافيه فايدة فيه
وتوسط عند أبوي وقال أبوي خذيه يابنت الحلالا وبيساعدك في العمرة
أخذته وخليته يطوف معي ويوم جاء وقت السعي قلت خلاص حبيبي اجلس هنا وخاف قلت لاتخاف
خذ شنطتي وجوالي واجلس في الصفا فوق وكلها شوي واخلص
جلس وبس دوب تحركت في المسعى وأثاريه قام يصيح شاف حجة لونها أسود
وقام يصيح :واء:
وجات الشرطة قال أمي لها ساعة راحت تسعى وماجات
وهذه الحجة بتسرقني ومسكينة الحجة شكلها كانت تشحد كرهت اليوم الي جات فيه تشحد
والولد حليوة شوي وابيض وقال الشرطي يمكن يكون صادق ومسك الحجة ومسك ولدي
وتجمعوا عسكر الحرم والجوال معاه واتصلوا على زوجي وقالوا ولدك في الحرم وزوجتك ماهي موجودة
والمشكلة زوجي كان وقتها في الشرقية وجيت أطالع من بعيد أقول في نفسي أكيد فيه مظاهرة
والا فيه أمير بياخذ عمرة
ويوم وصلت للصفا والا ولدي والشرطة ويصيح ولدي هذي أمي وجاني العسكري قال ولدك ؟ قلت أيه :مدري:
قال حرام عليك تتركينه وتروحين ساعة قلت وش صار
قال الولد: يمه هذه الحجة الحرامية الي تقولين تسرقني
قلت سوت شيء قال لالالالالالالالا أنا صحت قبل ماتسوي شيء
بس أخذت ولدي بيدي وأنا أقول لمتى وهذا الولد فاضحني
والله أنه شيب راسي وياليت كل واحد عنده موقف محرج وفضيحه يعلمنا[/grade]
