[poem=font="Arabic Transparent,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] تمركزي وسط الحشا شوفي بعينك واسكتي=هذا مكانك والسكن اللي غروري يجحده
تاكدي شوفي يقين الصوره ابلغ ظنتي=شوفي خيالك ملتغف حتى بعرق الاورده
هموم ومواجع مسكنك مابه مكان لفرحتي=والضيقه الغبرا اليفه صارت بي متعوده
ان كان موتي يسعدك تنقشي ثم زغرتي=هذي جثامين الفرح قدمتها لك مائده
باضوق لحد ياقسوتك صارت بوسطه دفنتي=تطمني مابه فرح كل السعد صرت افقده
والخام الاسود يبترم على جنازة فرحتي=حتى اختيارك يختلف رحتي نقيتي اسوده
الله اكبر لو نظرتي كيف كانت طيحتي=اقرب شبيه لحالتي اعجاز نخل هامده
ابسالك في ذمتك وش موقفك من دمعتي=هذي جناية حبكم الدمعه اللي احصده
ابدعي الله ياالهي انك تقبل دعوتي=انك تحفظه ياالهي من عيونن جامده
من كان يجهل اسمها ادلعه بريمتي=ياريمتي ريومتي قصة غزال شارده[/poem]
اخيكم / عبدالرحمن الصقري الشمري
