السلام عليكم ورحمة الله وبركاته
مدخل //
اللي يحبك ولو أخطيت في حقه @@@ ماقال لك يافلان في حقي أخطيت
واللي تبادله الهوى بكل رقه @@@ يحسسك بالذنب لامنك أوفيت
ياذيب مال لجرت اعواك داعي = وان طعتني ياذيب هون عن عواك
وحول عن المشراف في خد قاعي = ماتبت من جور الهوى ويش رقّاك
أخذ النصيحة وأنت ياذيب واعي = وتغانم الفرصة ولا تآمن اعداك
واحرص على الغاية بشتى المساعي = دام الوسيلة تحقق اهداف مسعاك
ولاتهرول أن ماكان فيك استطاعي = واحسب مكاسيبك قبل تحسب اخطاك
الذيب يدرع دام مافيه راعي= واحيان يدرع لو وضع دونه أسلاك
ولاتكر لاهدافك بكل اندفاعي = ولا تفر عنها دفعة ان جاك ماجاك
وأخف السدود بدون لبس القناعي = والزم حدودك واحفظ أصول مبداك
ولاتطرد اللي للمواصيل باعي = وخلّك مع اللي نبض شوقه تحفاك
اللي ليامنه عن الوصل جاعي = يطرد سرابك لين يشبع بلقياك
جتك النصيحة وانت ياذيب واعي = من باب تذكيرك ولاشي يخفاك
نصيحة تشرى ولاهي تباعي = من شاعر برجم العنا هزه اعواك
****وان كان مال النصح فود ودواعي = خلك بمشرافك تغنى بليلاك
مخرج //
لو كانت قلوب المحبين تحكي @@@ يمدي العواذل تدري بكل الأسرار
ولو كل من يشكي من الهم يبكي. @@@ بتلقى على خدي من ادموعي آثار****
