ما عندك (بلاك بيري) ..؟ يؤ يؤ يؤ وش تحس بة ؟

ما عندك (بلاك بيري) ..؟ يؤ يؤ يؤ وش تحس بة ؟

” بلاك بيري لغة العصر الآن ”


اكتشاف اول جهاز مذهل ومميز حياتنا صارت اسهل معاهـ

وصار بيد اغلب الناس تقريبا ًومايخلو مكان من وجود شخص منزل راسه يرعص بكيبورد البلاك


{ سوق / مستشفى / جامعه .........

سبب طرحي لـ هالموضوع كذا سبب



اول شي :

اللي ماعندهـ بلاك بيري قروي ! ولـآ , من العصــر الحجــري بعد!

عفوا ً؟ وش هالنظرهـ بالله ؟


بعطيكم مثال



[ المشهـــ1ـــد ]

هيا : الو مرحبا كيفك ؟


صديقتها : منيحه ازيك انتي ؟
هيا : بموت بنهبل وربي خلاص ماعاد بجي الجامعه
صديقتها : افاا سلامات لا تقولين اخوك سعود صارله شي < بريئه
هيا : لالا ماصار شي بس اني اجي بدون بلاك بيري

صديقتها : ليييييه وش فيها ؟


هي : تبين الناس يقولون عني قرويه والله معصي ,اجل بنشب في اهلي يشترون لي غصب
صديقتها: طيب حبيبتي امي تناديني بكرا اشوفك بالجامعه
طبعا صديقتهاا اخذتها مخرج ماودها تعصب عليها ويطلع منها كلام بايخ

لـ هالدرجه وصل فينا التفكير مااروح الجامعه عشان مامعي بلاك بيري !



[ المشهـــــ2ــد ]


بنت شافت وحده معاها بلآك بيري


قالت اووووووهـ بلاك بيري اشتغل المغازل


ســــــــــلامــآت
يعني شلون توصلت بـ هالنظريه انا ماادري ؟
متى بنرتقي بتفكيرنا ؟
متى بنستخدم التكنولوجيا مثل خلق الله؟






واخر شي بخاطري ولا بد اني اقوله


نسولف عن شركات الاتصالات والافضل موبايلي او اتصالات


جينا لـ طاري البلاك انه افضل على موبايلي من وجهة نظـــــر


قالت وحدهـ اخوك يدري ان معاك بلاك بيري ؟
ردت البنت قـآلت: ايوهـ هو جاب لي شريحه موبايلي عام وفعلي الخدمه


قالت تبين تسوين فري مع اخوك بلا نصب بس


مسكينهَ مرضت البنت على طـــول



يعني ايش مثلا ً اللي معهم بلاك بيري اهلهم مايدرون عنهم ؟


...

سؤالي هنا

*معقوله صارت حياتنا تنقاس بـ جهاز الكتروني ؟
*هل نظرتكم لأي شخص بيدهـ بلاك بيري راعي مغااازل؟
* طيب انــآ ماعندي بلاك بيــري يعني اعتبر نفسي من العصر الحجــري ؟


بالله ارآآئكم مع حبي ..

منقول ولاعندي بلاك بيري >>مسكينه هع برا

والله انه من اروع الاجهزه اللي امتلكتها يكفيني اعرف اخبار اهلي واخواني وصديقاتى
وانشر كل شي يكون شاهد علي باذن الله

لكن اعذريني المشكله في مجتعنا

والله يضيق صدري اذا شفت سيارة شاب مكتوب عليها البن حقه مجتمع مدري متى بيفهم

لكن ما اقول الا ربي يهدي شباااابنا يااااااااااااااااااارب

واخيرا كلن واستخدامه اللي يبي الخير بيمشي في طريقه واللي يبي الشر بيلاقيه واصلن بهذا الزمن ماعاد فيه قرويات التطور وصل كل مكاااان والحمدالله

امممم بصراحه الحين لا تخلو يد اي شخص من البلاك يعني حتى الاطفال اللي اعمارهم ماتتعدى التسع سنوات معاهم
وشووفي المجتمع ككل يقيم الناس من أجهزتهم واغراضهم انا من الناس اللي ماأؤيد البلاك بيري ابدا لعدة اسباب :اولا مسوي زحمه هو وذا الازره اللي ماليه وجهه ثانيا عند اغلب الناس مفاهيم خاطئة ان البنت اذا مسكت بلاك بيري فهي صايعه والظاهر ان اللي يقولون انها صايعه هم اللي يسيئون استعماله ويستخدمونه للمغازل والدشره فعشان كذا يشوفون كل الناس تسوي مثلهم طيب موو هذا النت فيه الزين وفيه الشين هل هذا يعني ان البنت اذا استخدمت النت تدشر طبعا لا والشاب ليش مااحد يقول يدشر يعني حلال عليه مثلا وطبعا لكل جهاز ايجابيات وسلبيات بسس الذكي اللي يعرف السلبيات ويبتعد عنها ثالثا فيه ناس عندهم هوس في شراء الاجهزه الجديده يعني مره بلاك مره آيفون مره أي باد ....ألخ وفي بعضهم بسس عشان يقولون الناس والله فلان عنده آخر جهاز نزل واما الناس السخيفه اللي اذا ماكان عندهم بلاك بيري مايروحون مكان مدري وشش اقول عنهم ....نو كومنت ....واللي يعتبرون اللي مامعهم بلاك بيري من العصر الحجري والله انهم هم اللي من العصر ذا لانهم يقيمون الناس من اشياء سخيفه اصلا حتى اللي اخترعه اخترعه للفائده مو للمفاخر والحركات ذي مسكين صراحه يحسب كل الناس مثله
ويسلمووو خيتووو ع الموضوع اختيار موفق

يعيش ابو كشاف بيري يعيش يعيش يعيش :رقص:


سجلي ثاني قرويه في المنتدى ماعندها بلااك :وردي:

اقتباس:

---

*هل نظرتكم لأي شخص بيدهـ بلاك بيري راعي مغااازل؟

---

مو شرط اعرف ناس عندهم كشاف ويغازلون :/ شايفه كيف

يعطيك العافيه ع هيك موضوع اقتحم الواقع العبيط

سلام..

ههههههههههههههه

فهده وش نوع جوالك ؟؟؟؟؟؟؟؟؟؟؟؟؟

المشكلة ما هي في الجهاز

بإختصار في مالك الجهاز

العيب فينا ودوم نرمي بلاوينا على الغير

بنت الرجال إهي إهي في كل زمان وماكن ومع إي

تقنية وجهاز

بلاك بيري آيفون أو على قولة فهدة ابو كشاف

^
^
سجلوني ثالث وحده ههههه

غالبا اي جهاز يطرح بالاسواق اول من يقتنية هم المراهقين
وللاسف استخدامهم له غالبا سئ

بالنسبة للنظرة المجتمع لمن يستخدم الجهاز انا اشوف انها مازالت للاسف
وللاسف فيه ناس واعية وفاهمة ومازالت تركز على هالفكرة
انا لا انكر ان هناك من يستخدمة استخدام سئ لكن يجب ان لا نعمم

أنا ضد إستخدامه للمراهقين لسبب واحد أنه سوف يشغلهم عن المذاكرة وفي الواقع هم من دون بلاك بيري مقصرين كيف مع البلاك بيري لن يفتح أحدهم أي كتاب لأنه سوف يكون مشغول مع الزملاء في الشات

موضوع رائع جزاك الله خير

مثل ماذكر الاستاااذ جميل إللي فيه خير وبركه مااا يتغير


بس الخااايب خااايب حتى لو مسك قووطي

يعطيك الف الف عااااافيه ع الطرح الراائع

اقتباس:

---

فهده وش نوع جوالك ؟؟؟؟؟؟؟؟؟؟؟؟؟

---

ان تسالو عن اشياء تبدا لكم تساكم
تصدق اني شرقت من سوالك ذ1
:/

اقتباس:

---

المشكلة ما هي في الجهاز

---

انتا عارف البروبليم اذ1 تجمعت لا جوال ولا بنت رجال هنااا المصيبه ^^"

برب ومعليه اني اشيك ع الموضوع مرتين

كنت سابقاً أكرهـ البلاك بيري

والحين قاعدة أفكرر وقربت من القرار في شرائي للبلاك

والله نستفيد منه في التواصل مع الأهل والصديقات

وبدل المكالمات نقلبها محادثات

وتصير مافي فاتورة شهرية تكسر الظهر

والله أنا شايفة الصغير والكبير معه بلاك بيري

والجهاز ماله ذنب والذنب والمشكلة فينا

أختي الغالية شذى الروح

أهنئك على طرحك الجديد والمختلف عن المعتااااد

بارك الله فيك ~

ودي

ان كان التخلف بهذا فأنا متخلفه 4 مع مرتبة الشرف.. : )


ولا أفكّر فيه .. بس كان فيه نظره سقيمه واللي معها بلاك فيها عله وووو الخ احتمال كبيير تطق براسي عناد واروح اطق لي واحد..


،،

متى كان جهاز أصم يقيمنا ويقيم اخلاقنا..
نحن من يحركه وليس هو من يحركنا..

وعلى قولتهم اللي فيه بلا والله لو معه ابو كشاف بيمشي حاله..



أشكر طرحكـ..


تحيتيـ

مع الأسف شاهدت الكثير لديهم بلاك بيري وهو منتف وما يفارق ايده
مظاهر كذابة
لكن يبقى حسب الاستخدام فهو سلاح ذو حدين
بس عن نفسي ما هضمته ابد

وفق الله الجميع

انا مع التقنية وكل جديد ولكن ضد الإستخدام السئ للأجهزة..

وللأسف غالبا مايُنظر للسلبيات..لآن استخدام البعض لتلك الأجهزة لغرض التسلية فحسب!!

فهو جهاز مثله مثل بقية الأجهزة ..ولكن تحكمنا نظرة البعض لكل جديد..بأن كل شخص لايمتلك

جهازا جديدا فهو متخلف عن ركب التطور والتقنية..!!

وكل مُستخدم لها فهو بالتأكيد سيستخدمه في أمور غير إيجابية !!

لماذا تلك النظرة هي التي تحدد استخدامنا للأجهزة؟؟

كجوال الكاميرا <<أول ماظهر حورب ومنع استخدامه وووو لأنه للأسف نجد الأغلبية

لايحسنون التعامل مع الأجهزة والتقنية الحديثة !!

البلاك بيري يقدم خدمة الماسنجر والتقاط الصور وارسالها في وقت قياسي عبر المسنجر

ومحادثات مثل جهاز الحاسوب إلا أنه اختصر الوقت والجهد وهو أخف حملا من اللابتوب ..

وبالنسبة للمراهقين ينبغي إعطاؤهم الثقة اولا وإرشادهم للأفضل حتى يحسنوا التعامل

مع الجهاز ومراقبتهم من جانب الاهل فبإمكان الام او الاب او احد الإخوة إضافتهم لجهة اتصالاتهم

ومراقبتهم بطريق غير مباشر وتوجيههم في حال الخطأ..وأنا ضد إعطاؤه لصغار السن جدا..كالاطفال مثلا


وأخيرا..جهاز البلاك بيري جهاز رائع من حيث التواصل مع الأهل والاقارب والاصدقاء..فهو اختصر المسافات

وقرب البعيد!!

كل الشكر لطرحك..

اجل انا من العصر الحجري ! :nosweat:

دفاا تووكلي ع الله وخذي بلاك بيري ترآآ فيه ميزات حلووووه



عوآآفي الموضوع

8

هلا عيووووني وغلااااتي غلا أبوووها

جاري التفكير ثم القرار بس أنا خوفي أدمن عليه بالمحادثات الكتابية مع الأهل والمعارف

وما أركز بعملي وكمان اعتزل العالم بسببه ههههههههه

بس عاجبني الآيفون أكثر لكنه غالي ومستخسرة المبلغ فيه

عموماً إن اشتريت البلاك بيري والكفر حقه بنكي وحركات

يصير أصورهـ وأعرضه هنا ونسوي له دعاية بمزاياهـ

وأي استفسار عن البلاك بيري ومشاكله أنا بالخدمة ههههههه < تمزح

وإذا في حرف الـ e اسمول معناه الصفحة بتعلق وفي مشاكل بالتصفح

بصراحة رووووعة هالجهاز بس لو يكبرون الكيبورد حقه يصير أزين

في المطور من البلاك بيري بس مااحسه يفرق عن القديم بس اللون أحس الفرق

ونصيحة أي أحد يشتري بلاك بيري ولا آيفون صيني ما يسوى ريال واحد

أنا ااشتريت آيفون صيني حاطته الحين مركون زينة والإزرار يتجمد ويتصلب الأصباع ألين

ينضغط الزر كل شي ضبط مع الصين في التصنيع إلا الجوالات تنعدم وتنتهي مع الصين

أعتذر عن الإطالة ^ ـــــ ^

فمان الله وحفظه ~

يسلمووووو خيتي ..

ابدا لايعجبني


اتمنى ان نستخدم التكنولوجيا بما ينفعنا اما الثرثره والتصوير فبايخه

وحده عجوزه تشتري اسواره تصوره وتنشرها ووحده تسوي حلا تصوره وتنشره هع

>>>> اخواتي ازعجوني فيه وانا هواي غير *_*


بس نحترم البلاك بيييرييين واكيد ليس كل من يستخدمه يغازل





احترامي لك

مساءك ورد..
أشكرك على جمال الطرح الرائع والمفيد.
وباقولك كلمه واحده
إحنا العرب نستخدم الخدمه بسلبياتها
ونترك إيجابياتها سواءً إيميل فيس بوك
بي بي أي خدمه ناخذ الركن السلبي
ونترك الايجابي

السلام عليكم ورحمة الله وبركاته
اولا أحب أن أشكركـ على طرحك هذه القضيه المعاصره
للاسف مجتمعنا فاهم الشي هذا غلط بقصد المغازل وبس
افففففففففف ياربي حتى أهلي فاهمين هالشي كذا
بالموت أقنعتهم وقالوا بالعطله الصيفيه دعواتكم

يعطيكم العافيه جميعا نورت صفحتي بوجودكم واتمنى الكل استفاد من هالموضوع
تحيتي للجميع

السلام عليكم

الموضع جيد لأنه موضوع الساحة الآن وخاصة أرباب التربية , حيث أنهم ينظرون للموضوع من جميع الجوانب

ومن الجانب الأخلاقي بالأخص .

لذا أقول لابد من ذكر العيوب والمميزات ومن ثم الحكم على هذا الكائن الجديد الذي غزا أغلب بيوتنا

وأبنائنا ....

فالحكم على الشيْ فرع من تصوره.

ودرأ المفاسد مقدم على جلب المصالح ===> قاعدة عظيمة في حياة المسلم .

سأذكر بعض العيوب هنا للمناقشة والرد عليها ,,,

فأقول :

1- مضيعة للوقت / فتجد الشخص الحامل لهذا الجهاز جل وقته وهو مشغول بالتواصل مع أناس لا يعرفهم ولا يعرف أخلاقهم ..

2- قاطعة لأواصر الصلة بين المستخدم وأهله غالباً / فتجده مشغول بكيف يرد على هذا أو تلك .. أو كيف يحضر ماده يرسلها للمجموعات و,,,,

3- قاطعة للعلم غالباً / فتجده يفكر في القرووووب الذي ينتمي له ومن هم وكيف هم ومحادثتهم الساعات الطوال وخاصة من كان عنده ميول عن الدراسة وليس لها ؟؟؟!!!

4 - هنا سأكون جريْ وأقول : غالباً تكون نظرة الشباب هداهم الله من اقتناء هذا الجهاز هو الدخول في عالم الغزل - وقد حكى لي كثير ممن أعرفهم أن هذا هو مبدأهم - ولا غرو فهؤلاء شباب والطبيعة البشرية والغريزة - مع كثرة المغريات - تسيرهم لمثل هذه المواقف , والبنت الصغيرة التي لم يتجاوز عمرها السادسة عشرة من العمر تنغر وبسهوله على حسن نية .. والأخبار متواترة بذلك

هذا بعض وليس كل ... وسأعود لاحقاً لذكر بعض المحاسن التي لا ترقى لدرجة العيوب ولا حتى لتسميتها من المحاسن ولكن هذا تجوزاًً

تقبلوا تحياتي

http://www.up.zeidanphy.com/files/h3...dp61ryhlsx.gif

[hide] [hide]

جميع الاجهزة
[/hide]
[/hide]

السلام عليكم ورحمة الله وبركاته


هلا بالجميع

وهلا باللي عنده واللي ما عنده

قرأت جميع الاراء وحابة ارد على من يرفض هالجهاز


اعتقد البلاك بيري كالآيفون كاالتلفزيون والفيديو والدش والدي في دي والكمبيوتر


و ( السكين ) وركزوا عالسكين


ممكن اقطع تفاحة وممكن اذبح شخص

كلهم سلاح ذو حدين

اما اني استخدمهم فيما ينفعوني او يضروني

ليست المشكلة في الاجهزة ولكن في مقتنيها


دفاي الغالي

جيبيه والله من اروع الاجهزة في الاتصال باقاربنا

قرب المسافات واصبح الاهل يعرفون اخبارهم من خلاله

والاصدقاء ناهيك عن المعلومات التي ثقفت اولادنا واصبحوا اكثر اطلاع


البلاك بيري بالضبط يشبه الكمبيوتر ولكن محمول


اعتقد ان النت ايضا سلاح ذو حدين

ولكن من الذي يستخدمه ليستفيد ومن يستخدمه ليدمر نفسه


عذرا عالاطالة لكن حبيت اطرح رأيي في هالجهاز المسكين والمظلوم


الله يعطيك العافية شذى

شذى الروووح صراحه طرح ولا اجمل لكن انا اروووح مع اللي يقول ان البلاك بيري لعبه لا اكثر ولا اقل ........... عليك بالأي فون ههههههههه

موضوع ومناقشه ولا اروع لا حرمنا من طيب طرحك

طرح جميل والأجمل منه أن نحكم عقولنا بكل نعمة أنعمها الله علينا فيجب أن نستغلها للضرورة لا للعبث وتمضية وقت ، ولا يغيب عن الكثيرون منا ماذا فعل الـ بلاك بيري ببعض الأشخاص من إشاعات وتشويه سمعات ..

أنا عن نفسي أملكه وشعوري به كما أي تلفون عادي


نسأل الله لكل مسلم ومسلمة أن يجعلوه سبباً لهداية أنسان أو كصلة للأرحام والأقارب أن كانت تبعدهم المسافات




لكاتبة الموضوع شذى الروح


فائق الإحترام

اول ماطلع البي بي و انا اتحمس له عشان السوالف مع خوياتي و وساعة السدر
مع اني ماحبيت شكله ودي لو انه انعم بّ شوي ..


المهم اخوي الكبير سمع به بس مايدري وش وضعه :موف:

شريت لي 1 .. و جلست اضيف خوياتي وكل شي في ثواني
جا و شافه قال وش تبين بذالجهاز وش لك فيه !!

قلت زيه زي المسن
قال لا تشات .. قلت ايه انت من الي جتك سمعته بالمعكوس :موف:
يحسب انه دردشه وتشات وخرابيط وكذا وكل من جا دخل وسولف معك

وشرحت له قلت مثل ماعندك ايميل ... وتعطيه للي تبي ..
هذا الجهاز له رقم في محل الايميل .. تعطي الرقم لمن تبي

ومافيه فرق بينه وبين المسن الا ان خدمته 24 ساعه وين ماتبي ..

ثااني يوم وهو شاري مثلي ههههههههههههههههههههههههه هههههه


بس بعذره اول ماطلع كلن تكلم فيه بالشين وهو مابعد شافه

لكن اللي للحين !!
ماخذين نظرتهم بـ انه خرابه وخرابيط ومغازل
الي تبي درب المغازل بتدله سواء ب البي بي او بدونه :موف:



بالعكس والله الجهاز جمعني بناس مبطي ايام الدراسه و رجع شملنا يلتم وسع سدورنا والله http://www.5foq.com/vb/5foq/smilies/37.gif

تسلمين ي عسله

انا اششوف بالمووضووع ان الي مامعاها بلاكـ بيري يعتبرونها قرويه!!
طيب ليه القرويين شفيهم هع انا قرويه ومعاي بلاكـ بيري :mf_leia:
وثانيا ان الي يمسك ويطقطق عالبلاك بيري يعني يغاازل ههههههه
انا اشوف زميلاتي عندهم ان الموضه اذا طلعتي مجمع او مكان يمسكون البي بي كشكل وليس للمغازل!
وطبعاَ قبل ماشتريه ماجا بالسهوله هع كانت امي بنظره انه خراب وان اي احد معاه بي بي يكون موجود بالخدمه من جميع الدول :nosweat:

وفيه ايجابيات ومنها لي انا هع اني اذا بغيت واجبات للمدرسه
ممااقعد ساعتين عالتلفون ويكون بهالطريقه استفيد منه:Lopez...cool:
واعرف الاخبار واشياء تجيني عالمباشر مو قبل مادري بالخبر الا بعد اسبوع

وفيه سلبيات اشوفهن بنفسي ان البي بي يشغل عن الدراسه:icon_sad:
والمذاكره لـكن اذا استخدمناه بطريقه صحيحه مافيه مشكله


وبعض الناس متعقدين من البلاك بيري انه يضيع الشباب والفتيات
لاكن هذا خطأ اشوفه لأنه مو كل شاب او فتاة اذا كان معاه بلاك بيري انه بيضيع
ولازم يكونون الاهل مراقبين لهم اذا اعطوهم بلاك بيري :Lopez...yes:


وشكراَ عالطرح الرائع والمفيد لاعدمنا جديدك:aserak:

شذى الروح اشكرك على ما قدمتي وكل الاجابات عندي "" لا ""

الناس لها وجهات نظر ولكن يشوف على كيفه

بالنسبه لي لا املك بلاك بيري ولا يسعدني اكون شايلته

بنااااااااااااات أنا تو شريته بس كيف أفعل الخدمه