قلت المثايل بادع زين اللحان @@ متهيض ٍ يوم ٍ ذكرت الحبايب
أعضاء وزوار المنتدى الكرام
السلام عليكم ورحمة الله وبركاته وبعد
قصيده قديمه موجهه للأخ / حازب مبارك الدوسري
( على فكره القصيده قبل أمطار جده بعشر سنوات أو أكثر )
قلت المثايل بادع ٍ زين اللحان
0000000 متهيض ٍ يوم ٍ ذكرت الحبايب
متذكر ٍ رفقة هل الطيب خلان
0000000 اللي يفكون النشب والطلايب
يالله عسى جده من الوبل هتان
0000000 مادام فبها ربعنا والقرايب
المكرمين الضيف ذربين اليمان
0000000 وسقم المعادي في نهار الحرايب
فياراكب اللي وارده صنع اللمان
0000000 واذا مشى يسبق سريع الهبايب
تنصى عقيد القوم من نسل ظفران
0000000 حازب ولد من هو يشيل النوايب
قرم ٍ ولد قرم ٍ وله عندنا شان
0000000 إذا لفاه الضيف ماهوب هايب
إذا لفاه الضيف يذبح له الضان
0000000 مشراه دايم من سمان الجلايب
ياحازب المنعور ياطير حوران
0000000 جاتك بيوتي منوخات الركايب
أرسلت لك ياحازب القرم قيفان
0000000 مثايل ٍ فيها تشوف العجايب
وما قلتها الا يابن الجواد طربان
0000000 متذكر ٍ فعلك وفعل الحبايب
وصلاة ربي اللي فرض خمس الركان
0000000 على نبي الخير ما تاب تايب
