لاتعرف الرحمه ولاتعرف الروف//قلبك يهودي والقسى فيه يجري
[poem=font="Arabic Transparent,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لاتعرف الرحمه ولا تعرف الروووف=قلبك يهودي والقسى فيه يجري
اقسى من معمر على راس لانوف=هذي طباعك والجفا فيك جبري
كلك علامات الحذر زايد ال اوف=عظمين معهن جمجمه فيك حصري
تشري دماري لو تكلف بالالوف=وتهدي كفن وتضيف له مي سدري
تعشق نهاياتي ترا الوضع مكشوف=وتموت في حبي اذا اطريت قبري
الناس تجني بالهواء سحة الجوف=وانا جنيت الغربله وانت بذري
قضى الصبر وش حيلتي يام نفنوف=دايم تعذر مابها اليوم عذري
انقل غرابيلك طوابير وصفوف=وياللاسف ماهمك اليوم امري
كني ورا الطايف وكنك ورا الجوف=ومابيننا ماغير كيلو ومتري
الا الوداع ارجوك هذا هو الخوف=قدر رجاي ارجوك ياطول صبري
لاتعتذر بالظرف ماعندك ظروف=وين الظروف اول فلا عاد بدري
ليتك تويق بداخل الصدر وتشوف=وتناظر عيونك غلاتك بصدري
كتبت لك ياصاحبي بمجمل حروف=من دم قلبي ينكتب فيك حبري
عقب المحبه كننا جيت ضيوف=نجي نسير واول الليل نسري
[/poem]
محبكم / عبدالرحمن بن جروح الصقري الشمري
