(( مجرد تنفيس وإلا أنا تراني عاقل ))
يعني الي مخطط يخطب لي أو يتقدم لأهلي لا يقول أني خبل
لأني كبرت وعنست وماأبي إشاعات علي لو سمحتم
يعني كل نفر ونفره يذكرني بخير ويقول هذا رجالن سنع بالحيل
والي ينقرد به << قصدي الي يتقرب يجد ما يسره
ما كأني قاعد أسوي عن نفسيتي أعلان
أيه هانسم مان وعمري 10 سنوات << فاهم التصغير غلط
الموووهييييييييم
كرشتي يا كرشتي أشتهيتي لحم تيس ... وين أنا بألقى لك الي يسلفني تيوس
http://www.qeieq.com/vb/images/smilies/cool.gif
قفلت الأخلاق معي على الساعة 6 المغرب وطفشت طفش غير طبيعي
أبي أشغل نفسي بأي حاجة ما لقيت وجوعاااان ما غير عاض رجلي من الجوع ..
قلت أتفرج التلفزيون يمكن أنسى الجوع مسوي ريجيم ...لقيته كله إعادااات وممل وبرضو أنا عاقبت الذائقة عندي ورحت أتابع قناة السعودية http://www.qeieq.com/vb/images/smilies/123.gif
رفعت الجوال وقعدت أدور واحد أسولف معه لقيت كل الي في القائمة ماهم
حقين فرفشة وسواليف وأخترعت رقم << خبره في إختراع الأرقام http://www.qeieq.com/vb/images/smilies/123.gif
ودقيت طلع لي ولد صغير يقول ( هاااه )
قلت وش الي هااه أنت ما علمووك أهلك الذرابه يا مهبول تقول هااه ,,
سكت شوي وقال طيب (وش تباني أقول ) << قلت هذا ما هو بعيد عنا يا منا يا جارنا
http://www.qeieq.com/vb/images/smilies/biggrin2.gif
قلت يا خي قول يا هلا يا مرحبا شي من كذا ..
سمعت صوت شايب ورااه قال من الي يكلم يا ورع ,,
قال يا يبه هذا واحد يتهازبي << يعني يتمسخر بي :)
..
..
الشايب أخذ الجوال وقال هااااه << أثاريها سالفة متوارثه جيل عن جيل http://www.qeieq.com/vb/images/smilies/biggrin2.gif
قلت كيف حالك يا عمي ...
قال طيب بخير من أنت .؟
قلت أنا بندر << صريح الولد
قال بندر من ؟
قلت عاد أنت كلك نظر أصير بندر مين براحتك هههههه
قال يا ولدي أخلص علينا وقول من أنت ؟
قلت ولدك ؟؟
وكل هالفتره يا بابا مخلينا وما تكلمنا يالله يالله بأرسل لك حسابي أبي فلوس ..
<<< فاهم ان الأب بس يصرف ,,
قال يا ولدي أنت فيحان ؟؟
قلت لا أنا سودان .. هههههههه
قال سودان من ؟
قلت الي جنب مصر ..
قال أييييييييييييييه أنت ورع وشكلك فاضي ,,
قلت لا والله أنا جوعان وأبي عشا أمي نامت وخلتني من غير عشا
وأبوي راح للمقناص من 20 سنه وما شفناه كل يوم يقولون يجي المغرب
وكل مغرب ما أشوفه ,,
وأنا مسكين وحده من ثنتين يا عمي يا تعشيني يا تزوجني وحده تسويلي عشا ,,
هنا هو قعد يضحك ..
قال ولدي بنصلي المغرب ودق علي ,,.
صلى وصليت أنا ودقيت عليه ,,.
قال لقيت لك حورمه تطبخ وسنعه وطيبه أنت وينك تجي تأخذها ,,.
قلت يا عمي ابيها طويله .
قال هي نخله .
قلت أبيها بيضاء .
قال هي زبده .
قلت أبي عيونها وساع ,,.
قال تغرق فيها سفن .
(( طحت في شايب راعي لكاعه بقوووووووه ))
قلت وفمها صغير ..
قال مبراة مرسم .. << أعجبني هالوصف .
قلت متي أجي أتزوج
قال أبدلي وجهك أول شي ونشوف ..
قلت يا عمي بتغدر بي ..
قال على الطلاق لأحوس قبيلتك هههههههههه
وسكرت وأنا أضحك ..
رجع دق علي ..
قال وراك سكرت يا بندر .؟
قلت بندر مين ؟
قال أنت توك كلمتني .!
قلت أبد ما أعرفك لا تزعجني ثم أبلغ فيك الهيئة وصوري الي عندك يا ويلك توزعها
ههههههههههههه
ضحك ودعا لي دعوه حلوه وقلت تراها مزحه يا عم ..
قال يا ولدي لا عاد تسويها مره ثانيه قلت أبشر ..
وأنتهينا ..
:flowers:
