الاخوة الاعزاء اعضاء هذا الصرح الشامخ
السلام عليكم ورحمة الله وبركانه
اولا : اعتذر عن الانقطاع عن المبدعين امثالكم واتمنى التوصل معكم لاستمتع بانتاجكم الرائع ،،
ثانيا : هذه مشاركة بسيطة ارجو ان تنال على رضاكم واستحسانكم ،،،
لكم كل الحب والتقدير...........
[poem=font="Simplified Arabic,5,white,bold,normal" bkcolor="transparent" bkimage="backgrounds/26.gif" border="none,4,gray" type=1 line=0 align=center use=ex num="0,black""]
ياليل من مثلي سهر بك وناجاك = تحت النجوم اللامعات المطلّه
كم واحد يسامر نجومك والافلاك = وكم واحدٍ يحسب عليك الاهلّه
وكم واحدٍ باسباب درب الهوى جاك = يشكي عليك الهَم واللي حصلّه
وكم واحدٍ لا ما لقي حل خلاّك = ما دام همّه مالقي فيك حلّه
وكم واحدٍ لا جابوا الناس طرياك = يفرح بلقيا خلّه الليل كلّه
وكم واحدٍ يا ليل دايم تحرّاك = حتى يناجي ربه اللي يجلّه
جاوبتني وتقول مثلك وشرواك = يا ما خليلٍ ساهرٍ لجل خلّه
يا قلب تكفى طالبك واترجّاك = خلّك على درب التُقى خير ملّه
درب الهوى كلّه عراقيل واشواك = امّا وصال وحب ولاّ مذلّه
شكواي للي مبدع الكون سوّاك = ربٍ عظيمٍ مالنا غير ظلّه
[/poem]
ودمتم بكل خير،،
