يالشعر تبقى رفيع شامخ سامي
بسم الله الرحمن الرحيم
بعد الصلاة والسلام على رسول الله
اقدم هذه القصيده اليكم واتمنى انت تحوز على رضاكم واستحسانكم
في ليلة والعرب بالفرش نيامي
وانا خوي السهر والليل ونجومه
يلعبي الهاجس وتلعبي احلامي
طرالي الشعر قلت اباخذ علومه
ابطيت ماشلته ولا همت بهيامي
ماقلت حرف ولا خطيت مرسومه
لو الله اني اشوف الشعر قدامي
متراكي (ن)عينه من النوم محرومه
اصدق اكذب اقول انها اوهامي
والعين ياناس من شوفته مصدومه
وقلت يالشعر وينك قدلك ايامي
متغير ياعسى مابيننا خصومه
يالشعر بالشام ولا من ورى يامي
غيبتك عني ترى ماهيب مفهومه
عساك مانتب طريح فراش منضامي
او صابك الهم برماحه وبسهومه
ويوم (ن)سمع كلمتي استقعد وقامي
ثم التفت لي وقال الروح مهمومه
يابخيت بي وجعة بالقلب والامي
الله لايعيد بعض الشعر وعلومه
هذا سرقني وذاك يكسر اعظامي
كل لعبي على كيفه ومنظومه
واللي يزيد التوجد والتألامي
ناس تصفق لهم للحفل معزومه
ياليت الاوراق تمنع خط الاقلامي
عن كل من يجهلون الشعر وسلومه
او ليتهم يحكمون الشعر باعدامي
وريح الروح لو الروح مظلومه
وقلت يالشعر تشكي لي لك اعوامي
تشكي وتبكي تقول الروح مسمومه
يالشعر هاك القلم واكتب للعلامي
يجيك رد الجواب يجيك من يومه
ثم (ن)تبسم وطُّول بالتبسامي
واقول في خاطري وش فيه وش قومه
اثره تكلم ولا فاد التكلامي
ياصبر عينه وانا والله مالومه
يالشعر تبقى رفيع شامخ سامي
عزيز (ن)وعزتك ماهيب معدومه
ارفع قضيه وانا ادور لك محامي
يحكم لك القاضي وينصفك محكومه
كلمات/ بخيت الدوسري
