يامــن يرد لـ دنيتي..شخص غــايب؟؟!
الســلام عليكم ورحمة الله وبـــركاته...
أول مصافحه..علّها تحوز ولو على جزء يسير من استحسانكم !
"
حلّ الـــــــرحيل اللي نواه الــحبايب
...................ياساعة(ن) بالحيل عندي عصيبه
بالـــصدر نار(ن)تــستعر بي لَهايب
...................حرّ الفـــراق اللي تــــــزايد لهيبه
ســـاعة وداعه خالـــطتها الصّعايب
...................كل ثانيه مـــنها غــدت لي صعيبه
ساعة وداعه ماهي ضمن الحسايب
..................دوّى الخبر ثم روحي امست سليبه
ســــارعت بالخطوات قبل القرايب
.................أودّعَـــــــه قبل اللــــــيالي تــغديبه
شــــــفته وكلّ الهرج داخل نشايب
.................والقلب يــــصرخ واعتلا بي نحيبه
لـــوّح بكفّه وابـــــعدته الــــرّكايب
.................ودارت بــي الدنيا وصرت المسيبه
هلّــت دمـــوع العين منّــي سكايب
.................والدنـــيا ضاقت عقب ماهي رحيبه
صــرت الشتات اللي تزيحه هبايب
................لاالصبْــر يحـــكمني وكلّـــــي تعيبه
صرت الغريبه بيـــن كل القرايب
................من دون قربه دون شـك(ن) غريبه
يدنيني منه الحزْن يكـسب كسايب
...............غصبن عليّ ادني وغصب ارتضيبه
مايـنفع المـــحكوم قــول الطّــلايب
................حـكم الــــــقوي ثبّت علـــيّ الغليبه
كان الــــرحيل اللــي وراه التعايب
...............ياسـاعة(ن)بالحـــيل كانت صـــعيبه
يامن يرد لدنيتي (شــخص) غايب
...............طـــوّل غيابه حـــــيل يــامن يجيبه؟
قلم / شتآت حــلم...
