سنينك ترف وانا سنيني بقايا انسان ...
على اولك يا سيد التعب و التعب سجــــان
مفاريد غر النور فالحلـق منــــــــــــــــــزره
مقادير ياللي لو تثيقلت شانـك شـــــــــان
عطاشا هدب لاهان منك اشقر الغـــــــره
عيونك سفر في طرقة ٍ مالها عنـــــــــوان
خذت جملة السبع العجايب لهـا قـــــــــره
سنينك ترف وانا سنيني بقايا انســـــــان
رمت به مقادير الليالي علـى الجـــــــــره
يابو قد يانع ماذوى الوقت غصن البـــــــان
تبـرد بـه انسـام امنياتـه وتحتــــــــــــــره
تفاصيل ذكرى الغالي اللي مع الازمــــان
تبيحه وتتمنـى وصالـه ولـو مــــــــــــــره
لمع والسراب ليا لمع في فم العطشان
تقوده لـه الآمـال والطمعـه تجــــــــــره
وانا فيك لافكـرت فالشعـــــــــر والاوزان
تفتـق درابيـل الخيـالات بالـمـــــــــــــره
درابيل قايـد فيلقٍ يبـرح الميــــــــــــدان
يبى ينتصر للقـدس و محمـد الــــــــدره
صحيح انكسرت بعين جابر ولد حيــــــان
ولولا انكساري مااُكتشف عالم الــــذره
بسيطٍ صنع تاريخ قلب وترف وجـــــــدان
صعيب ٍ ترك كل امنياته لمن غـــــــــــره
اناديك وانته رحت خيط ٍ من الدخــــــــان
وانا مالي الا اندهـك واعـاود الكــــــــره
تثيقل وانا ما ابخسك حقك من النسيـان
ولن ماذكرتـك جابتك نبضـةٍ حــــــــــــره
هذا والمسافر راح يـاوردة الركبـــــــــان
على جرته بيض الطموحـات منثـــــــره
بعد ما ابرهزت غربته في سمـاه وبـان
لعينه عيون الـدار و الجـار محمـــــــره
رحل والمسافه فم ثعل والطريق لسان
تـردد وراه احـلام دنيـاه وتـبــــــــــــــره
انا اول حكاية فوق ما كان بالامكـــــــان
وانا آخر مسافر راح محدٍ عرف ســــره
للشاعر : عبدالله بن حديجان
