المشاركة الأصلية كتبت بواسطة ماجد نصار
[COLOR="rgb(139, 0, 0)"]السلام عليكم ورحمة الله وبركاته
مصافحه بعد غياب
أتمنى أن تجد لها في ذائقتكم مقعداً للجلوس [/COLOR]
:
/
:
\
:
مثقل (حظورك) دائما يحبس أنفاس
.... كنه يقول إن جيت ثم غبت.... غيّبت ..!
وش ثقـّل الجمعه على اغلب الناس
...... إلا لأن اللي يجي بعدها (السبت )
هو وين قلبك؟ .. أخبره كان حساس
......... كان يتأنّب لو على قلبي أذنبت ..!
قد كان (جلاسي) ..إذا فيه جلاس
..............ياكم تغنيت بمعاليه وأسهبت
شفاف ناسج له من الغيمه لباس
....... الورد بـ اطرافه وفي داخله نبت
في وقت كنت أمشي وانا رافع الراس
.......... كم كان حسّادي يعيشون في كبت..!
واليوم ما أخطى طرف راسي الفاس
......... واقف ... ومن طيح (الأعزاء) قرّبت
[..غار الشتا ..]والليل من دون حراس ..!
.......... حاولت أصيبه قدر الإمكان وانصبت
أحتجت لك غرشة (أمل) ... يقطع الياس
................ وان جيت ابي أحتاج غيرك تعذّبت..!
أجناس عادوني وحبوني أجناس
........ لـ الظن ما أحسنت..! بالعكس خيّبت
لو غيبتك تعذيب ... قد إمتلا الكاس
... ..................وإن كانها (تأديب )يكفي ...تأدّبت
الخوف ألحق شيخ من أرض (مكناس )
.................. لا طوّل غيابك عليّه .. وشيّبت
ياقلب ياللي (ماتوقعت ..! لا باس )
...................... يكفيك اللي من عنا البعد انجبت
مر الخريف .. وهـ الشتا دق الأجراس
........ الله يعينك (برد) .. فوق إنك أجدبت ..!
