توبة ما عاد أقرب السكر "صوتية"
السلام عليكم ورحمة الله وبركاته
أخواني الأعضاء يسعدني ويشرفني أن أهدي لكم
آخر قصائدي المتواضعة أتمنى أن تحوز على رضاكم وإعجابكم
لكم القصيدة ولي الشرف بقراءتها والأستماع لها والإستمتاع بها
ياللي تغلى على أحبابك 000 توعد وتخلف وتتنكّر
كل شيء جاني من أسبابك 000 الشيب والظغط والسكّر
سهرتنا الليل بغيابك 000 وقبلك وأنا نومي مبكّر
ولا أنت يا مبرد أعصابك 000 تنام هاني ولا تفكّر
ما أقدر أجي وآصل لبابك 000 لأنك مؤنث وأنا مذكّر
وإن جيت بادق لعتابك 000 لقيت جوالك مسكّر
وسألت في النت أحبابك 000 قالوا لي إيميلك مهكّر
خيبت منهو تهقوابك 000 وبعد الصفا جونا تعكّر
واليوم يازين وش جابك 000 توك تفكر وتتذكّر
ماعاد لي بك وش أبغابك 000 وفر كلامك ومتشكّر
عقب اللذي صار باسبابك 000 توبة ماعاد أقرب السكّر
وهنا القصيدة بإلقائي وإنشاد الأستاذ عبد الله البكر
وقد أنشدها بلحنين مختلفين أحترت في اختيار الأجمل لجمالهما
لذالك سأضعهما هنا
