جوٍ ربيعي في هواه انفتنا ...
....السلام عليكم ورحمة الله ....
بعد القبول والتفاعل الذي لمسته من خلال الردود على القصيده الاولى
اطرح بين يديكم قصيده اتمنى ان تنال رضاكم واستحسانكم
وقد القيت في الاحتفال السنوي للعائله عام 1428هـ
اقول :
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جوٍ ربيعي في هواه انفتنا=جوٍ يخلي صاحي العقل مجنون
خضره وماء ووجيه حسنات شفنا=وبرق ورعد وامطار هلت من مزون
خلتني انضم فالشعر واتغنا=واكتب قصيده قافيتها على اون
اقول انا ياناس كم يوم عشنا=وكم يوم باقي فالعمر كم ترجون
ايامنا راحت وفيها اندفنا=كلٍ ورى حاجه بها صار مفتون
احدٍ مع الأسهم به العقل جنا=يبيع ويشري يحسب الربح مضمون
واحدٍ معا ذود المجاهيم غنا=واحدٍ يدور فالعفر كل مزيون
واحدٍ عقاراته عماير تبنا=واحدٍ اراضي والتجاره لها فنون
نركض ورى الدنيا ورى ملتفتنا=نشوف حال الناس وشهم يسوون
احدٍ مريض وتالي الليل ونا=واحدٍ تمنا شوفت الي يصلون
واحدٍ سجين وفالسجن ما تونا=حكمه قصاص وايضاً انسان مديون
ياناس عندالله نارٍ و جنا=وانتم على الله كل يوم اتجرون
الى طلبتو قلتو يالله عطنا=والى عطاكم ماشكرتوه تنسون
يالله ترحمنا لياجا وعدنا=ويالله عسى اهل المعاصي يتوبون
ويالله يارحمن يامن عبدنا=يالي نفذ امرك من الكاف للنون
ياخالق المخلوق محصي عددنا=ياللي فلقت البحر وأنقذت ذالنون
يالله عسى المرباع يكسي وطنا=وتخضر كل الارض وتتفجر عيون
وتنعم علينا بالأمن في بلدنا=ونعيش في نعمه بها العرض مصيون
وتصلح أأمتنا ووالي امرنا=وتفكنا يارب من كل مفتون
مهما تكون الأنظمه في بلدنا=حنا لها بالطوع نمشي بقانون
مدام فيها طاعة الي خلقنا=واجب على كل الرعيه يطيعون
في طاعة الله الولي اجتمعنا=ونصرة نبيه واجبه كيف ميكون
نلعن ابو الكافر وننبذه عنا=ونلعن ابو الي في نبينا يسبون
ويالله بيض وجه رجلً جمعنا=وأكد على كل الجماعه يحضرون
في ليلةً تجمع اهلنا بأهلنا=من شور ابو ناصر وربعٍ يعينون
هم عزنا هم ذخرنا هم سندنا=الاد عمي فاللوازم يسدون
الاد عمران السبيعي فخرنا=لاعدت وجيه القبايل يعدون
في اول الطابور تعلو قممنا=ماهوب اذنابً ورى مايشافون
ان جت موازين العقل به رجحنا=وان جا هداد طيور شلوى يهدون
وان جا نهار الحرب نشحذ هممنا=ونركي على كبد المعادين بطعون
نارد حياض الموت والموت حنا=سبعان في وقت الملاقا يغيرون
وان جا مزارق طيب نذبح ولدنا=يشهد لنا التاريخ والناس يدرون
قصة مفرج والمهادي سمعنا=ما مثلها قصه ولا مثلها لون
بالمختصر يعني سبيعي نسبنا=وباقي القبايل كلهم مايهانون
والختم صلى الله على احمد نبينا=شفيعنا في يوم غابن ومغبون[/poem]
عبدالرحمن بن عمران
