[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
أحتار فكري يازمن العجايب=وش باقي يالوقت عنا تخفيه
اللي عطاك اخلاص يلقي الوهايب=يالوقت من مر المعاناة تعطيه
اللي اول يالوقت ضايع وخايب=اليوم في زين المجالس تعليه
وقتن به الوالد يشوف المصايب=ابنه عصاه ولو بصوته يناديه
لو ينصحه يقول قاضي وشايب=ضاع وضياعه ماسمع من يوصيه
والوالدة راحت حقوقه نهايب=اللي علي ابنه تسهر الليل ترضيه
يالوقت يكفي لاتزيد المصايب=ضاع الوفايالوقت فيك ومعانيه
وين الزمان اللي به الكل طايب=يحق لي يوم اتذكر طواريه
يالله يامدير الفلك والهبايب=عفنا اوله يارب وشلون تاليه[/poem]
تحياتي
نايفة شمر
