لآتنسف شماغك كذا تشخيصتك وآحبهآ } ~
السلام عليكم ورحمة الله وبركاته
مصافحتي الأولى .. وأحببت أن تكون هي قصيدتي المقربه لنفسي ...
أترككم معها
Entrance ~ {
لا تنسف شماغكـ كذا
حلوه عليك
تشخيصتك وآحبهــآ ..
*
ياليل قل لي وش علوم إلهـآمي
والشعر والذوق الرفيع السامي
ووش قوم عذالي على مغليني
ياجعلهم فدوة ثرى الاقدامـي
والعاذل اللي كم تجاوز حـده
يبـي وصالـي والبحر لطـآمي
ماهوب من ثوبي ولاني ثوبه
ويموت دوني للمواصل ضامي
واللي فدانـي جعلني فدوا لـه
من بد زحمـة كونـي المترامـي
هو تاج راسي والهوى لانفاسي
وهو فارس احلامي وكل احلامي
وانـ كان ماخذتـه ولا ضميتـه
فـ ياجعل راسي يندفن وعظامي
اي واللـه انه غ ـآيتي ومرادي
وآخر مناي الفـارس المقدامي
يفـز لامنـي نخـيتـه { فـززت ~
شيخ ـن تعزوو به من الظـلاّمي
ويحطني جوى عيـوون عيـونه
ويقـوول : يازينـة شبابي نامـي
أنامـ !! كيف النوم يسرق عيني
وملامحكـ قامـت تهـز اقلامي
قعدت اجمع لك قصيدي كلهـ
واوثقـه في بصمـة الإبهـآمي
يا لايمـي يمديكـ لـو تعذرنـي
لاشفت شيخ المرجله قدامـي
بعيـد منـزال وبعيـده دآرهـ
ولاهوب من طقة عيال اعمامي
ماهو من الهيـلا ولا هو سبيعي
ولاهوب من شمر ولا هو يامي
بسكات ماني قايله ويش اصله
اخاف من هرج اغبر ـن نمامي
يقـول لي ماقدر اعيش بدونك
واطالعـه وانا أمـس لثـآمـي
ماقول i lik,t{ ولا تؤبرنـي
ماحكي انقليزي لا ولا احكي شامي
اقول يـااااجعلـي فدا لشماغك
يا احلا شباب المملكـه قـدامي
الدبله اللي بأصبعي خلتنــي _>
حلال لكـ حتى تمـووت انسامي
ومدام أنـآ ملكك وكلك ملكي
فـ ياغيرتي في وسط جوفي نامي
*
Exit ~ {
ولا تنسـفـه إلا إذا
حبيبتك
جيت وجلست بجنبهـآ ..
وأعتذر .. لعدم التنسيق
فراق العتيبي
