يسعد صباحكم / مساكم
وكل عام وأنتم بخير
:: شرهة حروف ::
تقبلوها .. لتجد مساحة في قلوبكم
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بين شرهات القصيد .. وصمت حبر المحبرة=الورق يشكي ضماه .. وهاجس أفكاري ندي
إسمحي لي ياحروفي .. وأستبيحك معذرة=ماتعمّدت الغياب .. ولاني بوصلك ردي
ويش أسوي .. والهموم .. اللي علي متجمهرة=ضيّـقت بي .. لين ضاقت .. ريشة الشعر بيدي
لي سنه وشوي .. وأحوالي كذا .. متبعثرة=الزمن .. والحظ .. والعثرات .. يحدنّي حدي
آتنهد كل ليلة هم .. وأفقد حنجرة=ماشفع ليل الأماني .. والبساط الأحمدي
أجدبت روضة بساتيني .. على طرد زهره=عن ملامس خدها .. شحيت يالوقت المدي
بعد ماكنت آحتضنها حلم .. ويدّي أسورة=وأحتويها .. وآتنفسها .. على إشراقة غدي
أصبحت من دون رؤيتها .. عجاجة وغبرة=يامتاهات المسافة .. والطريق الجرهدي
الصباح .. اللي ينور لي طريقي وأعبره=إنكسف نوره .. وصليت الصباح السرمدي
لو بقى لي درب واحد .. ينتهي بي وأخبره=قلت ياعثرة خطاتي .. وقفـّي به .. وإبتدي
ماهو بعيب .. الجواد لياعدى جاه عثَرة=عيبه إنه لو عثر مره .. ولاعاد يعدي
كل ماحسّيت جرح .. أقول للصبر ثمره=تنزف طعون الليالي .. وأذبح أحلامي فدي
بين ناب الوقت .. وسيوف الظروف المشهرة=ماصفالي .. غير زفرات ٍ تكدّر مرقدي
كثر مابات الوجع .. في نون عيني وأسهره=كثر ماغنّت تباريحه على لحن سهدي
لجّ صمتي بالشجن .. والآه عيا ينثرة=مارضيت أسيّل آلامي .. على غير سندي
لأني أدري .. لو فرشت أحضان صدري مقبرة=ماشكيت امن السحاب .. اللي تقفـّاه بردي
ياحروفي .. شفتي شلون الخواطر مجبرة=جرني سلك القصيد .. وجيت لك حرف أبجدي
أعتقد .. إني بلا شك .. استحق المعذرة=قلت لك .. ماأرضى الغياب .. ولاني بوصلك ردي
[/poem]
محبكم /
محمد بن معتق بن صخيـبر
