[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
زين شب النارفي جو(ن )خلاوي=مخضر (ن)نبته عقب ماجف سيله
فوق شب النار انا قلبي شفاوي=في فياضاً تبري الكبد العليله
زين صب الكيف والتمرالحساوي=وازناً بنه ومسماره وهيله
العلوم الطيبة عندي طراوي =مع نشاماً طبعهم كسب الجميله
الرجال اللي بعيدين الهقاوي=كاسبين الطيب والنظرة طويله
الرياض ابزحمته سبب غثاوي=ودي اشرح خاطري يوماً وليله
ماحلا رمي العمايم والغناوي=والسواليف الثمينات الجزيله
السوالف عن شليويح العطاوي=والرجال اللي مواقفهم ثقيلة
في نهاراً(ن) فيه ياكثرالعزاوي=ماقف (ن) يصعب على الناس الذليله
خيرلي من مجمعاً اللشين حاوي=مجلساً مافيه قيمه ليش اجيله
مجلساً مايجمع الا كل غاوي=مايجيب لصاحبه غير الفشيله
والله اني عنه من طبعي غناوي=والكلام اخيرمن كثره قليله
[/poem]
