الضيقه اللي بين حدب الحنايا
السلام عليكم
استطراد فكره من الخيال
ومازالات لم تكتمل بالتصوير والتعبيررر
لأنها وليدة فجر هذا اليوم والمعذرره من الجميع
اتمنى لها اقل الاعجاب والتقديرررر وتقبلو فائق تقديرررررري
[poem=font="arial,6,blue,bold,italic" bkcolor="white" bkimage="" border="groove,8,red" type=2 line=0 align=center use=ex num="0,black""]
الضيقه اللي بين عوج الحنايا =اليا تجاهلت الا سببها فضحتني
تجري بدمي وسط بيظ الخلايا=وتجمعة في حمرها واوجعتني
أخفي وجعها عن جميع البرايا =واقول طيب وهي متورسلتني
واسير مابين العرب واترايا =أني بخير وصحتي مزعجتني
والعله اللي في من أحلا الصبايا =غصب عليه بالغلا مصلبتني
سوت بحالي يشهد الله سوايا =لو قستها بوزن الهوى ماسوتني
منها معاليق الفؤاد العلايا =متواكله من يوم ماهملتني
ومنها معاليق الفؤاد الدنايا = متخلخله منها ضلوعي وامتني
في وسط كبدي مثل حر الكوايا =من كثر ماهي بالغلا كاويتني
واكثر من الباين بوسطي خفايا=في وسط صدري غابيه منهكتني
يالله ياربي عليك الشكايا =الشوق عله وسط صدري شوتني
اشكي عليك الحال رب البرايا =الناس لواشكي لها مانفعتني
انت العليم بسر كل الخبايا =وأمالي بعظمتك ماخيبتني
ناظرت وجهي في جميع المرايا = والين صورة صاحبي معميتني
وطالعت نفسي من جميع الزوايا =واليا تباشير الفرح خادعتني
وان المحبه عامله بي سوايا=و من كل صوب أجيلها خاينتني
من سبت أصحاب النفوس الردايا =قصو علي بشكالهم واوهمتني
والحب راحو منه ناس وضحايا =وانا نوايا طيبتي أنقذتني
ياجعل أبوك السيل يزهى القرايا =ان كان بعض اضروف منك احرمتني
فيك الحبيب اللي سكن في حشايا=اللي غلاته والله انها برتني
واثر الهوى والحب أشر البلايا =ماني بصاحي من شروره بلتني
حتى دموع ابيات شعري بكايا =تهمل على خدود الورق مغرقتني
تزف من شعري لك ازهى التحايا =واليا أعتدلت بنظم شعري حدتني
ياللي ليا ذلحين وانت ابحرايا=انا وصال الشمل معك أعسرتني
يابنت وصلك لو بطيب السجايا =يمديك مبطي يالغلا لاقيتني
ولو ان وصلك بالفزع والحمايا =لي لابتٍ لاقلت تكفون جتني
من كل صوب وكل دار ونحايا =وقت النخاوي ماهي بتاركتني
ربعي سليم متوهين الهقايا =وانا بهم شعريتي ماظلمتني
والله لو وصلك با طيب المطايا =يابقنيها وابشريها ماتعبتني
لقنى من أجود خيلها لي رعايا =وأليا شعبت أدنات منها اظهرتني
لاكن من دونك بحورٍ ودهايا =مهما سبحت ابموجها مغرقتني
وانا بهقوة شعري أعلا الهقايا =وشعريتي من طيبتي عطرتني
مع السلامه ياجمل احلا الحلايا =يامشغلتني بالغلا ومحرقتني
لي معك ياريم البراري بقايا =من سيرة في حبك مولعتني
وتقبلي مني جديد التحايا =اللي على وزن القوافي لحتني
وختامها ياغافر اقوى الخطايا =فرج علي برحمتك لا غشتني
[/poem]
وسلامتكم