سلام عليكم ورحمة الله وبركاته
صبحكم/مساكم ،بالخير
عسى ان ترتقي لو بالقليل لذائقتكم
،’
الـبـيـت مـا يــبـنـا عـلـى غـيـر مـعـنـاه
لـو يـخـتـلـف كـل الـقـصـيـده هـلـكـهـا
نـسـمـع قـصـيـد ولـيـتــنا مـا سمـعـنـاه
يــاكـثـر نـاسٍ سـابــحـه فـي فـلـكــهـا
الـشـعــر يــشـكـي مِــار لله مــشـكـاه
ارحـم حــقـوق الـشعـر يـامنـتـهـكـهـا
الـشـاعـر الـلـي كــل جـزلـه تــعــداه
ولـيـا بــغـالــه حــاجــةٍ مــا دركـهــا
لـو كــان يــمـلالــه دواويــن مـغــنـاه
قـوم القـضيـمـه مغـتـنـت من سمـكـها
الـنـاس مـا تـطـرب لـمـثـلـه وشـرواه
لـيـتـه يـغـطـي سـلـعـتـه فـي تـنـكـهـا
مـا حــقــه الا ضـربـةٍ حـوز عـلـبـاه
تــغـرق يـديـنــه دمـهـا مــا فـركـهــا
لن كان ماضرب المشـاعيـب صحـاه
لو تـنصـحـه نـصـيـحـةٍ مـا مـسكـهـا
خـلـه يــولـي واتــركــه لا تــقــفــاه
الحـر فـ الجـو والـقطـا فـي شبكـهـا
الشعر يبـغـالـه قـوي بـاس لـن جـاه
فيه المشاعر لـن تـهـيـض شـركـهـا
دكــتـور لآمـنـه فـتـل بــيـت يـمـلاه
ولن شـاف للجزلـه خـريمه سلكـهـا
كنـه عـقـيـد القـوم لـن سـل شـلـفـاه
يـوم الاصايـل تعـتـلـج فـ مـعركـهـا
مضرابها فـ القلب تظهر مع اقصاه
راع الـعـوايـد عـادتـه مـا تـركـهـا
ولا كـمـا حـرٍ علـى الـعـز مـربـاه
كـل الـصـفـات الـنادره مـمتـلـكـها
لن شاف شرد الصيد قدمه تنـصـاه
ولن عرضت صيده جزيله حنكهـا
من باب وصفه يوصل العلم منهاه
وليا تـمـثل فـ القـصـايـد حـبـكـهـا
(تحياتي)
