قــصــة عــذآب....جديد مجافي بعد غياب
السلام عليكم ورحمة الله وبركاته
اعود بعد فترة غياب للكتابه الشعريه وللطيران بفضاء ذائقتكم المعهوده بهذه القصيده الجديده:
قصة عذاب
المفارق صعب والعمر رحله واغتراب
واشهد انه طال وقتي بهالدنيا غريب
كل ما قلت انتهت داخلي قصة عذاب
جدد التذكار في داخلي جرحٍ عطيب
وين اسافر عنك ياجرح يامال الذهاب
وانت مثل الروح بدواك يحتار الطبيب
ليتها ما ودّعتني ذهـــــاب إبلا ايـــــــاب
واتركت شرهات نفسي على قولة نصيب
كيف ابـ اقتل داخلي حي وعلومه تجاب
ويستفزوني بذكره عجيب امري عجيب
كاتمٍ في داخلي هالمصاب وبه مصاب
واتظاهر بالسعاده وفي صدري لهيب
لا ذكرت اللي مضالي وانا توّي شباب
استمحت العذر للشيب بدري والمشيب
آه ياجــــور الهوى بي وياقسي الغياب
وآه يا ساع التوجد على وقت المغيــب
لا انتهى يومي وطويت صفحه من كتاب
عمري اللي راح محبوس فالكون الرحيب
الهوى بلــــوى من الله ولانقبــــل عتاب
علةٍ يبقى دواها من الشــــــافي قريب
والصلاه ختام صلوا عدد وبل السحاب
امر من ربي على المصطفى نعم الحبيب
فاصله
لوعتي فيك لوعه مالها من مثيل
جدّد الوقت همّي بين يومٍ وليله
