يا عين هلي دمعك اليوم هليه
السلام عليكم ورحمة الله وبركاته .
وأسعد الله أوقاتكم بالخير والمسرات .
مساء الخير والنور والسعادهـ / صباحكم ورد ونور وريحان بين كفوفكم منثور .
آسف عن الغياب وأتمنى أن تدمح بما في الخاطر وتحوز على رضاكم .
يا عين هلي دمعـك اليـوم هليـه
على اللـذي طـول علينـا غيابـه
***
طول غيابه عقـب مانيـب غاليـه
واليوم حال اليآس مـن دون بابـه
***
أعشق سنين الحب لا حـل طاريـه
وأعشق بعد أسمـه وحتـى ثيابـه
***
في غيبته كل البشـر مـا تساويـه
عزيز نفـس وعـز ربـي جنابـه
***
حبه بوسط القلـب بانـت مواريـه
وعلى الخدود الدمـع زاد أنسكابـه
***
أسهر على القمرى ونفسي تناديـه
وأقول وينـك يـا عظيـم المهابـه
***
أسمع صدى صوته وانا ميت" فيـه
وأشوف ضاق الكون من ما جرى به
***
ابيه يـا عالـم وعينـي تراعيـه
والهجـر ضايقنـي وزود عـذابـه
***
اللي يبينا عيـت النفـس تبغيـه *
واللي نبي نتعـب نطـارد سرابـه
***
ويا عاذلي خل العتـب والمشاريـه
نسيم ريـح الحـب يجـذب لبابـه
***
* مقتبس من البيت المشهور :,.
اللي يبينا عيت النفس تبغيه
..................... واللي نبي عيا البخت لا يجيبه
أتمنى أن تنال أعجابكم وإستحسانكم ورضاكم .
وألـــــف تحيه وشكر لأرواحكم الطيبه .
مرضي العتيبي .
