نورة وباقى البيض بألفين طقـاق ( بالصوت حظور اول )
أحبتى هنا
مصافحه اولى ... والشكر لمن دعاني بينكم
اتمنى أن تنال رضاكم
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نورة ويبدى بالسمـا نـور بـراق= وتطفى بطاريهـا بقلبـى حرايـق
نورة وزهر الورد للـورد ينسـاق= يـاوردةٍ تقتـل جميـع الحدايـق
نورة يا عطرٍ ما ورد كل الاسـواق=سمي بنورة بـس والاسـم لايـق
نورة وشمس الشعر تبدى بالاشراق=وبحسنها فـن القصايـد وثايـق
أبديبهـا بالزيـن وألا بـالاخـلاق=ياليتها فى جـوف قلبـى توايـق
يمشيلها قلبى قبل يمشـى السـاق=ولشوفهـا يسوقنـى دوم سايـق
وشلون أفارقها وانا ميـت أفـراق=مأقوى مفارقها ولو هـى دقايـق
قولولها مشتاق أنا موت مشتـاق=الكون فى عينى من الحزن ضايـق
حبل الوفا فى وصلها صار ميثـاق=إلها بعيش العمـر مانـي ببايـق
أخفى دموعى لكن الدمـع حـراق= لا حـل طاريهـا تبيـن الحقايـق
متشربٍ صدرى هواهـا بالاعمـاق=ولعطرها يأخذنـى القلـب تايـق
كتبتها بالاسم فـى بيـض الاوراق= ولصدهـا كتبـت مانـى بطايـق
أقّبل حروف الاسامى ليـا ضـاق=صدرى ومنها يصبح الصدر رايـق
نورة وباقى البيض بألفين طقـاق=فـدوة لعينيهـا جميـع الخلايـق[/poem]
[rams]http://www.geocities.com/khaleddheabe/khh.rm[/rams]
أخوكم .. خالد الذيابي
