تحية طيبة
مساكم سكر
أرجو أن تجد هذه المتواضعة مساحة في صدوركم
تستاهلووون الغلا
:: لعثمة حرف ::
[poem=font=",5,indigo,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الغلا : قال الغلا ؟ قلت الغـلا روحـه معـاك=المشاعر طاوعت لك .. والسمـاوه لـك سمـه
والله إني كـل ماجيـت .. آبعبـّر عـن غـلاك=خانني حرف القصيـد .. وصـار فينـي لعثمـه
البَخَت ليته يجـود .. ويرتـوي قلـب ٍ ضمـاك=واقعد أرتّب ضلـوعٍ .. مـن غـلاك مكركمـه
ياكثر ماشالني شوقي .. وجيتـك فـي مسـاك=بالليـال البيـض .. والاّ باللـيـال المظلـمـه
وياكثر ماجابتك عيني .. علـى صـورة مـلاك=لابس وشاح الحسن ..والتاج ..وانـواط أوسمـه
قلت أبحاكي خيالك .. وأرسمـك وأرسـم بهـاك=جبت لـي كرّاسـه .. وقرّبـت بـوك المقلمـه
ياوجودي .. جيت أبسلا .. واثرني جيت الهـلاك=في شفاياك إبتديت .. وذاااااااااااااب راس المرسمه
والسبيب .. اللي من غروره.. تبختر مـن وراك=تهت به .. بين الحرير .. وخصلٍ أشقر .. وعتمه
وإن تأمّلت .. ونظرت بعينك .. ورمـشٍ زهـاك=طالني ليلـي .. وانـا بيـن الكحـل والسلهمـه
ويش أعدّ .. وويش أخلي .. من مزاياك وحـلاك=عالـمٍ فيـه البدايـه .. والنهـايـه مبهـمـه
غربتي في بحر عشقك .. عذبتني مـن صبـاك=صادفتنـي نظـرةٍ .. منهـا دخلـت الملحـمـه
آتبعثـر فـي غيابـك .. وآتبعثـر فـي لقـاك=لمتّي .. لمّت شتـات ٍ .. فـي شتـات اللملمـه
آآآه يــاداي ودوايــه .. ليتـنـي داك ودواك=وأبتدي حرب الخواطـر .. والقلـوب المغرمـه
واحشد جيوش المحبّة .. وابحثك وابحـث مـداك=لاحدود .. ولاقيـود .. ولاشـروط .. ولاانظمـة
وأرجع أعلمْك .. كيف إن الغلا روحـه معـاااااك=وإنك إحساس المشاعر .. والسماوه لـك سمـه
إن خذيت الروح .. روحي .. يابعد روحي فـداك=بس قلِّي !! بالشفايا .. ويش ذنب المرسمه؟!![/poem]
دمــــــ بود ـــــتم
محمد بن معتق بن صخيبر
