[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
البارحه جتني احزانـــي تواسينـي= سامرتها لين ليلي غــابت نجــومــــه
ياعين هلي من العبرات واعمينـي= مدام غالــيك مايـدرى عن عـلومــــه
العــــام خــلي بنظــراته يسلــينــي= نظراته تسلي الخـاطر من همومــــه
واليوم اشوفه رحل عني مخلينــي =مدري علامه جرح قلبي من سهومه
مايدري الهم من فرقاه طــــاويني =وانه ظلمني وروحــي منه مظلومــه
ومايدري انــه لذيذ النوم جافيــني =العين مـن لــذة المرقـــاد محرومـــه
صدقت هرج العواذل يانظرعيني= ياليـــن خلوك عنــي مبعد الحومـــه
هذا بعض ماحصلي وانت ناسيني =والبــاقيه داخل القـــلب ومكتومــــــــه
[/poem]
اتمنى ان تنال على رضاكم...........
