. . . ( كل عام ابادلك الرسايل تهاني ) . . . !!
مساءكم سكر :
.
.
كل عام والخير انتم .. تحية عبقة لكل من لايزال يغمرني بشرف ( تذكّري ) .. !!
.
.
آخر ماكتبت بعد أن ( تطلقّت ) الشياطين !!
.
.
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل عام وأنتي يا ( نظر عيني ) بخير=وكل عام أبادلك الرسايل .. تهاني
والعيد هذا غير .. مدري أنا غير=بس الأكيد إن الوله لك خذاني
ودي أشيل الورد ياأغلى الغنادير=يمك .. ولكنّ الظروف تحداني
من كثر شوقي باقي شوي وأطير=واترك معاناة السنين بمكاني
لكن نحت بي عن لقاك المقادير=ولاباقي إلا صورتك .. بالمحاني
في وسط قلبي كنها ( سر في بير )=محفوفة ٍ .. مثل البحر والمواني
ياما خذتني من يدين المسايير=وياماغلاها من قديم إحتواني
تدرين لامنك ضحكتي وش يصير=الكون كله ينقلب شي ثاني
تجتاحني أرقى الأحاسيس وأغير=عليك .. وعيوني تسابق لساني
اللي يغني لك رقيق التعابير=لو الحزن مخلوق بعدك عشاني
ماللحزن في بعض الأجساد تأثير=إلا جسد من هو خفوقه يعاني
والبارحه ياطول ليل التفاكير=هذي تطاوعني .. وذي تعصاني
وهذي مقابيل ٍ .. وهذي مدابير=والشوق يكبر لكن العمر فاني
كل عام وانتي يابعد عمري بخير=وتقبلي التهنئه .. وإمتناني
[/poem]
