منصور الدرين || ياويل قلبي على من هو سكن قلبي .!!
[align=center]مساكم الله بالخير أخواني وأخواتي
هذه قصيدة غزلية قديمة ومن الأرشيف أتمنى تعجبكم:
[poem=font="Simplified Arabic,6,#1E3DB7,bold,normal" bkcolor="" bkimage="images/toolbox/backgrounds/18.gif" border="groove,7,#010100" type=3 line=1 align=center use=ex num="0,#400000"]
ياويل قلبي على من هو سكن قلبـي=وياويل فكري على من هو سلب فكري
اللي تعلق بطيبه قـال أنـا وش بـي=واللي تدهـور بحبـه مارقـد بـدري
صحيح هو داخـل القلـب وتلاعبـي=يلعب بقلبي مـع افكـاري ولا يـدري
ذاك الغزال السمين اللي نصـا دربـي=من قبل أشوفه وهو دايم على صدري
البرق يبرق شمالي والهـوا غربـي=والمشكله طالبينـه والنقـل حصـري
عزي لمن هو خضر قلبه خضر عشبي=إن كان صاحبه لابايع ولايشري
الحسـن فيهـا ولافيهـا ولا سلبـي=أم الجمال الهنـوف وحبهـا عـذري
أخلاقها زادت البسمـات فـي قلبـي=أقول تحت أمرها وتقول تحت أمـري
ياليت حلم الزمان الزين يرجـع بـي=ونعيش سن الطفوله كبـره وكبـري
شف عيني اللي تناعس ماتغمض بـي=وعظامي اللي تراعش كـل ماتطـري
ما أقول غير الله الكافي وهو حسبـي=يلطف بحالي ويجزيني علـى صبـري [/poem]
وسلامتكم .~[/align]
