المسألة ما هيب ( خذني وجيتك )
.
.
تعبت من ترديد لوك وليتك
وتعبت أقدم حب من وسط الأعماق
المسألة ما هيب ( خذني وجيتك )
المسألة حب وأحاسيس وأشواق
وما هي قضية ( يا حبيبي فديتك )
الحكي بالمجان وإن كان برّاق
تقول لي انسى بعد ما نسيتك
والحين ترجع بعد ما خاطرك ضاق
صحيح أنا من قلب جيت وهويتك
بس النهاية كانت أحزان وفراق
مانيب قايل اقلط ( البيت بيتك )
قد قالها قلبي فالأخير وش ذاق ؟!
خذا العنا وأنا أحسب إني خذيتك
ألين صار الدمع يقرا فالأحداق
تعال نحسب ما عطيت و عطيتك
نكشف حساب الأمس ونقلب أوراق
شفتك طريق العشق جيت ومشيتك
وأثرك عديم إحساس ومقطع أرزاق !!
والحين صفحة عشق مات وطويتك
كرامتي أولى ولو كنت مشتاق
خذ صورتك مع شين سيره وليتك
تحطها في وسط ( ملف علاّق )
دوّر على غيري يعرف اتكيتك
وانسى إننا كنّا مع الوقت عشاق
رد: المسألة ما هيب ( خذني وجيتك )
مانيب قايل اقلط ( البيت بيتك )
قد قالها قلبي فالأخير وش ذاق ؟!
،،،
خذ صورتك مع شين سيره وليتك
تحطها في وسط ( ملف علاّق )
دوّر على غيري يعرف اتكيتك
وانسى إننا كنّا مع الوقت عشاق
قمة الانفة ،،، الروعه ،، في المعاني والانسابيه في الالفاظ
سلم اليمين ولاهنت
رد: المسألة ما هيب ( خذني وجيتك )
دوّر على غيري يعرف اتكيتك
وانسى إننا كنّا مع الوقت عشاق
فعلا ... القلب مايسكنه اثنين
ابو عبدالرحمن ...
الف صح لسانك ولاهنت
رد: المسألة ما هيب ( خذني وجيتك )
ابيات ولا اروع
صح لسانك
ربي يوفقك
