اسوق رجلي للعلا وارفع الـــراس
واتمنى هالمتواضعه تنال اعجابكم
اسوق رجلي للعلا وارفع الـــراس
واشوم عن درب الردى والثعــاله
اما نعيش بطيب مع كل الأجنــاس
والا نموت ولاضرينا الحيالـــــــه
هاذي مبادينا وعلم بها النــــــــاس
اللي يدور للجــريده مقـــــــــــالــه
يقول ابن شهلان والوضع محتــاس
الله على وقتن يشيّخ حثالــــــــــــه
صارت افلوس الناس للناس مقياس
من عقب ماهي افعول والا شكالــه
صار الردي ماله بين العرب ساس
أمير واللي شيخه راس مـــــالـــــــه
وصار الكريم اللي على الجود قرناس
حاله كسيف وكل منهــم رثالـــــــــه
يبغى يطيب وحال من دونه افلاس
وشلون يطيب والوقت تومي احباله
ياوقت ليه العولمه شرها حــــــاس
المجتمع والكل ناسي اعيـــالـــــــــه
يلبس لباس الغرب وحنا لنا الباس
ملبوســـنا روح وروح اعقالــــــه
يلبس احزام الجنز في نص حساس
مثل المره لامن مشى في ميالـــه
والا الشعر مثل الشجر وسط الاطعاس
سموه كدش الا كـــــديش ورزالــه
وراع المجالس بين دله ومحماس
مفتوح بابه مير ماحدن لفــالــــه
ماحدن يبيه لوكان كساب نومـــاس
الناس بالشاتات ترسل رســــالـــه
الغرب للأمه بالعـــــــــلم نبـــــــراس
والشرق عزيله وعزي لحــــالـــه
نغوص في غبت جهل وحل وادناس
ومن عندنا نهل الوحي والرساله
يالله ياللي خالق الناس باجنــــــاس
تنهض هاللأمه في سواعد رجاله
ترجع حضاره ساميه ترفع الراس
ويبان نور العلم يمحي الجهــــــاله
راشد ابن شهلان
