بأي حق .....!!!!!

السلام عليكم....ومبارك عليكم الشهر

حبيت اشوف ارائكم في ها الموفق...مجرد وجهة نظر ابي اعرفها...

الموقف الاول...
كنا طالعين مجمع ومعروف ومن ضمن ها المحلات مكتبة لفتني اسم رواية وهي "بنات الرياض"دخلت ...سلمت ..وسالت.لو سمحت ها الرواية مو ممنوعة وملغية من وزارة الثقافة ؟؟رد "ايوة يا افندم ...قلت طيب لية تبيعها..رد"عاوزين نعيش...
انا: وعلى حساب سمعتنا..تبغيني ابلغ عنك قال"لا لا الله يكرمك ..قلت اوكي ممكن تشيلها احترام لبنات الرياض..وشالها بدون نقاش".....


موقف ثاني...
هي"السلام عليكم
انا"وعليكم السلام .
هي "انتي من الرياض صح..لان اللهجة مو مبين انك من اهل الشرقية ..>>لاحظو قالت الشرقية
قلت اي من الرياض...
قالت غرييييييييييييييييييييييي بة وين البنطلون واللثمة والعباية المخصرة ...قلت لية قالت انا قريت في رواية "بنات الرياض"عن وووعن وووعن وصاااارت تتكلم...




المقصد....تشوية السمعة وها الرواية الي كتبتها وبأي حق..!!!؟ "رجاء الصانع " الله لا يحللها" ..اعطت فكرة شينة عنا...وانظلمنا ....انتوا وش موقفكم من ها الرواية ...
كلمة اخيرة لرجاء الصانع...."الله لايعطيك عافية "

صحيح اختي طالبه
من وجهة نظري فأنا ضد هذا التشويه
صارت كل الروايات والمواضيع واليوتيوب والمسلسلات ضد فتيات السعوديه والخليج عموماً
الان صارت سمعة بنات الرياض والسعوديه عموماً مشوهه بسبب القنوات الاعلاميه
والروايات التافهه
كل هذا من اجل الاموال فالذي يكتب الروايات لجني الاموال يختار موضوع مثير ويكتب عنه ولايهمه سواء اكان كلامه صحيحاً
او لا المهم جني المال من وراء تشويه سمعة الفتيات الطاهرات
حسبنا الله ونعم الوكيل
جزيت خيراً اختي على الموضوع المثير

لا تحرقين دمك ... القادم أسوأ ...
بكره يجونك بنات الابتعاث وتشوفين العجب ...
يسلموووو ... طالبة قانون ...

تحيتي ...

طالبة القانون

المرأة السعودية محط الإنظار بحشمتها وأحترامها ومهما قالو نبقا غير عن جميع الشعوب

مو أنا الي آقول كثير .... كنت جالسه في مجلس نسوآن في الكويت

وسئلتني وحده قالت الإخت سعودية قلت إي قالت بقولك وقدام الكل مو عشان اجاملك

بقوول انا السعوديآآت أخلاق ولآ عمري شفت مثل أخلاقهم <~ ودإيم أسمع هذي الجمله

العيون علينا لآن ملتزمين بالحجاب الشرعي صح في مجموعة ربي يهديهم بس تبقى الغالبية متمسكه باخلاق الدين

طالبة لآ يهموونك وحتى الي يتكلمون عنااا ما يلبسون حتى الكتف شيله على الشوشـه وكل الخشة مكيآج

يعني مهما تكلمو البنت السعودية أحسن منهم ولو بهم خير يلبسون العبآة

يسعدك ربي ويبارك فيـــــك

آعذب المنى

:kn7:

السلام عليكم جميعاً

صباح الخير لأهل الرياض بس:)

ليش تدعين على الحرمه ياطالبة قااانون الله يهديك

أدعي لها بالهدايه وأستغفري الله

تراها مسلمه وحتى لو الرزايه كاتبتها وحده ماهي مسلمه الأفضل تدعين لها بالهدايه الله يعيييين أنا أن شاء الله بتصدق عني وعنك وعنها بوجبة افطار صائم اأو بقيمة الوجبه >>يعني أنييي يهيييييب يامناحي ظرب سوق طاش ماطاش السنه هذي بسكتم بكنم





خلوها اااا


من قال أن اروايه ممنوعه ومن قال أنها موجوده ...ممكن تذكرين لي أسم المكتبه وموقعها عشان نتخذ اللازم ..شكراً والله يحفظنا بحفظه جميعاً






وين الصفوف وقناة الساحه..أفااا

اشكر الكل على الرد..

.لكن يا اخوي سعود يقولك"قطع الاعناق ولا قطع الارزاق"وانا ما ابي اضر الاخ هو مالة اي دخل ...وهذا رزقه مو خوف لكن..!! وش بتسوي قدام مكتبة من الف وحدة باعت ها الرواية فكر فيها!!!!وانا ان قلت ابلغ عليك من باب الردع ورد اعتبار لنا انا وحدة من بنات الرياض وماااااااااااااااااااااااا اااااااااااا اسمح لاي شخص يشوة سمعتي...او اي بنت غيري احنا"بنات الرياض"
صح ولا غلطانة...واشكر كل المنشدين على الرد على ها الرواية بعنوان"عذرا بنات الرياض"؟؟؟....

أختي طالبة قانون حياكِ الله ..

مثل ما هناك صالح إيضاً يوجد طالح ..

والرواية خصت ولم تعم ومنعت لأجل أمور أكبر من أن تكون تشويه ,,

لأن المقصود كان طبقات عليا .

...

أنتي لا تشغلين بالك .

وأهتمي بنفسك وأنصحي من حولك وأدعي للخير ..

والقافلة تمشي و.... تقول هو هو ^_^

بقولك شيء ياطالبة قانون:هي كتبت عن نفسها وذكرياتها
وواقعها ومحيطها الاجتماعي
يعني سيرتها ا لذاتيه فلماذا نستغرب!!
وكل اناء بما فيه ينضح
يعني لو كانت عاشت في بيئة اجتماعية محترمة وملتزمة
لكتبت رواية محترمة وثمثل القيم والاخلاق
والانسان ابن بيئته
جزاكم الله خيرا واحسن اليكم ورعاكم

ياعزيزتي.. ليه حارقه دمّكـ..

رواية بنات الرياض حدث حولها جدل كبييير..

وحتى من لا يقرأون الرويات وربّما لم يفتح كتاب الا ماندر.. لو سألتيه عن بنات الرياض بيقولكـ سمعت عنها ويقولون فيها وفيها وفيها ..

أعتقد معظم المجتمع رافض لهالرواية.. << طبعاً من الردود اللي نشوفها في جميع وسائل الاعلام..

يعني مو رجاء الصانع هي اللي بتصوّر بنات الرياض.. وان شملنا عنوانها..

فالمجتمع بردّة فعله قد انتشلنا منها..

،،،،،،،،،،،،،،،،،،،،

أمّا عن اللي تقولك أنتي مو من الشرقيه.. قوليلها تقولّكـ أنين تعالي شوفي بنات الشرقيه..

توني راجعه من الظهران مول وحااااايمه تسبدي من اللي شفته.. ينعدّون ع الأصابع اللي عباياتهم على روسهم..

ترا والله مو قصدي تشويه سمعه.. أصلاً كلّنا بنات السعودية.. لكن أنا أتعجّب من طريقة استنكارها لكـ..

والله يهدي الجميع ياااارب..


أمّا عن المكتبة اللي باعت الكتاب _ مع أني مادريت انها ممنوعه الا الحين_

فهذا هو ذوبان الأمانة.. والمفروض اذا هي فعلاً ممنوعه تبلغين يا اختي لأن حتى أنتي تحملين أمانة الولاء للوطن ^_^

وماعليكـ ان شاء الله الرازق الله هو يكفله.. ودامه غلط لازم يتعاقب..

لولا العقاب.. لكنّا في فوضى لا يعلمها الا الله



كلّ اللي نقدر نقوله..


اللهم ردّ ضااال المسلمين..

آآمين

قليبي شئ مايعجبك ارميه ورا ظهرك

انا تعمدت عدم قراءتها


لدى الكلاب اعزكم الله وسائل كثر لتمييع الشخصيات والقضاء على الفضيله



تعلمين يالغلا ان هناك ردود قوويه عليها من الداعيات والرجال حفظهم الله من كتاب وادباء

اذكر الداعيه مشاعل العيسى كتبت .....


وهم اتركيهم ينعقون



لو انا بمكانك كان بلغت علي صاحب المكتبه .......





تقديري

طالبة قانون

تسير القافله ولاهمها نبح الكلاب اعزك الله انتي والقاريء

فالرياض فيها الصالح والطالح

ولا اقول الا الله يهدي بنات المسلمين ويرزقهم الحشمة والعفاف


تحياتي لك

حياك الله اخوي لذيذ...لكن وش تسوي فيهم اذا الواحدة ولا اقصد الكل ماخذة الدعوة"فررري"

تاج الملوك....ربي يهنيك البنت السعودية غنية عن التعريف...

اخوي سعود...الله يصلح حالها وفكرها...لك احترامي

بدر النايف...اهم شي انها منعت...وان كانت تتكلم عن اي طبقة....

اسعدني ماخطت يدك

ابتسامو امل...وربي صادقة ...

انين وانا اكثر شفت اكثر ..كل اجازة انا مستنرة هناك واشوف العجب...ولا تكلمت قالو "شوفو من ينصح"
عموما ...منورة يا بعدي

النايفة ....لك جوري معطر..وبصراحة كنت ناوية شر وببلغ بس الوالدة ربي يخليها...قالت يا الله صباح خير ...!!

اقتباس:

---

المشاركة الأصلية كتبت بواسطة طالبة قانون

اشكر الكل على الرد..

.لكن يا اخوي سعود يقولك"قطع الاعناق ولا قطع الارزاق"وانا ما ابي اضر الاخ هو مالة اي دخل ...وهذا رزقه مو خوف لكن..!! وش بتسوي قدام مكتبة من الف وحدة باعت ها الرواية فكر فيها!!!!وانا ان قلت ابلغ عليك من باب الردع ورد اعتبار لنا انا وحدة من بنات الرياض وماااااااااااااااااااااااا اااااااااااا اسمح لاي شخص يشوة سمعتي...او اي بنت غيري احنا"بنات الرياض"
صح ولا غلطانة...واشكر كل المنشدين على الرد على ها الرواية بعنوان"عذرا بنات الرياض"؟؟؟....

---

قطع الأعناق ولاقطع الأرزاق صدف من قال هذا

واصدق منه من قال في ما معناه ياعلي: لأن يهدي بك الله رجل واحد خير لك من حمر النعم ..وقال أظاً


ماعندي أعتراض على كلامك وكله عين العقل صراحه ...لكن قوق مندبله كبده من سعود عبدالله كل يوم اكتب سعود عبداله وابحث ^_^

آخر مره قالي قوقل ياسعود ياسعود ياسعود فكني من شرك ترا والله لعلم عليك مايكروسفت

ياخي هذي ماهي حاله جننتني والله لو أنك رجاء الصالح ياشييييخ :)

قوقل هرج من حر ماصابه<<يهرج للحين ماعاد يطلع لي كتابه صار يسولف معي وينصحني قالي
ياسعود الله يصلحك ترا ك دبلت كبد أ م محرك البحث حقي ياخوووي محد يعرفك محد يعرفك محد يعرفك طلقني طلقني وراح يبتسي ^_^


مدري هالكلام ينفع ابتسامة أمل ولا ماينفعها بس ليه نغلط فالناس ونتهمهم بأنهم دون وحقراء وأخلاقهم تعبانه وبعد نتهم محيطهم الأسري بأنه منحط وأن الأنحطاط هو الجو السائد عندهم عشان كذا طلعوا كذا..


لا لا هذا مبدأ مرفوض عندي جملةً وتفصيلاً من أساء الأدب معنا وكذب علينا ولو ظلم وتجبر مايعني هذا نرد عليه بنفس أسلوبه ...أجل كيف يعرفون اهلل المكارم أن هم جاروا السفيه بسفهه وردوا على الأسائه بمثلها ........لاحظوا رجاء الصالح مااتهمت أشخاص بعينهم يعني ماقالت فلانه بنت فلان الفلاني تسوي كذا لكن حنا نشتمها بالأسم لا وبعد نعم معها ىأسرتها وأهلها ....!!!1


معرفها ولا اعرف أحد من قومها لكن مجملاً هي أنسانه كويسه والله أعلم















طالبة قانون اشكرك وأنتظر منك تهنئه للسيده رجاء الصالح بحلول رمضان وعسى الله يتقبل صيام الجميع وقيامهم>>

اخوي صالح الروقي....
امين ويهدي الجميع ويربط على قلوبهم..

اقتباس:

---

المشاركة الأصلية كتبت بواسطة أنـ الذكريات ـين

أمّا عن اللي تقولك أنتي مو من الشرقيه.. قوليلها تقولّكـ أنين تعالي شوفي بنات الشرقيه..

توني راجعه من الظهران مول وحااااايمه تسبدي من اللي شفته.. ينعدّون ع الأصابع اللي عباياتهم على روسهم..

ترا والله مو قصدي تشويه سمعه.. أصلاً كلّنا بنات السعودية.. لكن أنا أتعجّب من طريقة استنكارها لكـ..

---

ياهيجاء ياهيجاء:)

وش رايك أساعدك بكتابة روايه نسميهااا بنات منطقة الشرقيه..!!!!!

لاحظي..(مننننننننننظقه )

ركزي:)

اقتباس:

---

والله يهدي الجميع ياااارب..

---

اقتباس:

---

آآمين

---

ههههههههههههههههههه

اختي انين وش فيهم ساكنات الشرقيه

معك ان كل بلد فيه خير وشر وفعلا الشرقيه تجدي فيها التبرج لوجود بنات الخليج فيها وووونساء موظفين الشركات الاجنبيه
عموما احبابي في الله

الاسووواق لا يحكم عليها فهي شهر الاماكن

وكلمة حق الشرقيه فيها تبرج اكثر من المناطق الاخرى عدا جده بس فيها طالبات علم وداعيات ومراكز تحفيظ وصيفيه رائعه جدا


اصلح الله احوالنا وهداني والجميع للحق

النايفة والله صااااااااادقة ينصر دينك ياشيخة >>ياحبي لقلبها بس...

ياخوي ياااااااااااااااااااااااا اااااااااااااااااسعود الله يهديك ويصلح قلبك>>قل آمين
وانا ماكرهت الادمية بس كرهت اسلوبها..
وراح ابارك لها الشهر ...واقولها "يارجاء الصانع مبارك عليك الشهر">>من دون نفسس