[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا ياورع ماني من بنات الرقص والأفلام= ولاعندي نوايا فاسده وأفكار هدامه
طريقي ماعليه غبار ولاداست به الاقدام=حقيقه وأنت تدري بإن دفن الميت إكرامه
طموحي صعب تدوينه بكتاب ودفتر وأقلام=كتبت أحلامي بدفتر رجآي وجفت أقلامه
أنا ياورع من خير القبايل وأنت ماتنلام=يقولون الخبل ينكر خواله ..يجحد أعمامه
على نهج الشريعه مانخالف ملة الأسلام=على سنة نبي الله مشينا نتبع أحكامه
يمر الذل ,وأبقى شامخه مرفوعة الآعلام=تركت الورع يركض من وراي وينكس أعلامه
لآنه مافهم قصدي ,ولايملك سوى الأوهام=يبيني أنثني له غصب عني وأطرد أوهامه
لنا الله يازمان ٍ تستثير الجرح والآلآم=طلبتك يازمن تهجر هذاك الجرح وآلامه
ألا ياقلبي اللي من صواديف الزمن منضام=حرام يموت في عز الشباب ويدفن أحلامه
متى تضحك لي الدنيا؟متى تحلى لي الآيام؟=على الله يرجع اللي يسعد الخافق بأيامه
[/poem]
