ياأبو رغد (( ساامي العطاوي)).

السلام عليكم ورحمة الله وبركاته.
قصيدة جاءت هكذا فأحببت أن تبدو لكم بطبيعتها اتمنى أن تلاقي القبول لديكم.
[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياأبو رغد قله تراها سلامات=وماهيب والله من كباير همومي
وعلى النقى طبعي ولابه مراوات=وأنته وغيرك خابرينن علومي
ان راح جعله فالهنا والمسرات=وان جى ترحب به ياسامي سلومي
يجي وله في وسط صدري مساحات=وقدام خلق الله يكسر عزومي
بالحق ماهو بالعبط والفتوات=ولو بيننا طيبن ولسنا خصومي
لو كان يملك شاهد حقوق الأبيات=الله يلوم اللي لمثله يلومي
مدامنا فجبهة ولسنا على الشات=ولسماءنا مجدن يضاهي الغيومي
ماضي وحاضر فعل ماهي دعايات=ومانصعد بماضي لوحده رجومي
نثبت على الماضي ونسعى لما آت=لو كان ماياتي لهيب وسمومي
أقولها وفعلي على قولي اثبات=وعليها من فعلي شواهد وسومي
ولو كان تغنيها عن الوسم هقوات=مدامها لاحت موراي رسومي
وللطيب في وجيه النشاما علامات=والمجد مطلب والنشاما تسومي
واللي يبيع المجد من دون غايات=ماله في سوقك يالمراجل لزومي
يقصر عزومه دون من دون لادنات=وماله ومالك ياسنود القرومي
لاهوب نايف مثل أبوه المجرات=ولاهوب رايم جيرتي مثل رومي
ولاهوب لين في زمان القساوات=ولاهوب داسم دام طبعه نعومي
عزي لغيره في نهار المهمات=ولو كانت الهقوة في حزت حلومي
لاصارت صعيبة على النفس حزات=والهقوة ماهي في متين الجرومي
قله ترى الهقوة على فعلت الذات=لابانت عزومه وبانت عزومي
ببدع المثايل في جزيلات الأبيات=بصدق النوايا اللي تنومس خصومي
بيبان معها مابقى وكل مافات=وتبين ياسامي نوايا الرخومي
وتبين ياسامي مواري الشكالات=مثل وضوح سهيل بين النجومي
شرواك يالسامي براس المنيفات=وشروى الرجال اللي تسد اللزومي
واللي مكاسيبه بدرب المباهات=شهرة علاقة بالردى ماتدومي
دله وقده لاختصار المسافات=خافه نسى الماجوب وألا السلومي
وقله ترى قافي دروبه متاهات=ولو طاح مااظنه بعدها يقومي
وقله وقله باختصار العبارات=اللاش كلن عن دروبه يشومي
(ومدام وكري معتلي عش بومات=وبعض الحرار أوكارها تحت بومي)
ودامه يبيع المجد من دون غايات=ماعاد له في سوق قافي لزومي
[/poem]
وسلااااامتكم
البيت المنصص صياغة مني بطريقة أخرى لبيت شاعر لا أعرف من هو ويقول
يقولون وكر الحر مايعتليه البوم=وانا شوف عيني وكر حرن تحت بومي

الله الله
كفوو والله يابو احمد
وشرواك الطيب ولا عليك زود
وانت جزل وشعرك جزل ولا فيك شك
ومبدع في كل حالاتك
وشهادتي فيك تعرفها زين
وصح لسانك لين ترضى وبيض الله وجهك
ولي شرف المقعد الاول

يامرحبا ياابو رغد ارحب ارحب وماعليك زود طال عمرك وتستاهل الطيب وجهك ابيض وشهادتك وسام على صدري ولاهنت وافي جعلك اتحيا.

يا مرحبا يا بن أحمد

وهلا بك ملاييين ,,

قصيدة رائعه وقوية وقنبلة شعرية إبداع فعلا إبداع

وصح إلسانك مدد بلا عدد

كفو يالطيب وكفو أبو رغد

صح لسانك وقلبك

لاهنت

بندر النايف وبك البقا طال عمرك وصح بدنك ولاهنت وماعليك زود حضورك تاج وفخر

أخوي كاسب العز يامرحبا وصح بدنك ولاهنت حضور مشرف تتوق له النفس

شـرواك يالسامـي بـراس المنيـفـات وشروى الرجال اللي تسد اللزومـي
يستاهل العطاوي وصح لسانك يابو احمد قصيده ااكثر من رائعه

قصيدة جزلة ومن شاعر جزل

وابيات قوية بمعاني سامية

صح قلبك وكلك


وسلمت اناملك

تحيتي لك

ناصر احمد الخريش ,,,


صح لسانك ولاهنت

شاعريتك مافيها كلام ووجهك ابيض


وسامي العطاوي يستاهل الطيب

صح لسانك وعلى شانك


والله يعطيك العافيه

صح لسانك وحرفك
قصيده جزله ورااائعه
سلمت ودمت

صح بدنك يابخيت ويستاهل العطاوي وتستاهل الطيب من غير قصور ولاهنت على المرور الجميل الذي يزودني شرفا. ****

صح بدنك ياابو عبدالرحمن وبيض الله وجهك مرورك فخر وتاج على الراس وشكرا على الاطراء الجميل دمت بما تحب.

يامرحبا ياابو ضاوي وصح بدنك طال عمرك مرورك مشرف ولاهنت إطرائك جميل ويستاهل وتستاهل الطيب

سعود عبدالله صح بدنك يالغالي ولاهنت مرور يضيف للصفحة توهج دمت بما تحب.

أختي سامية صح بدنك وداام عزك مرور اكثر من الجميل دمتي بما تحبين

كفوووو يآناصر وقصيدك كفو ولا فيه اشكآل
ابدعت وامتعت واطربت ذوائقنا بهالمترفه
صح لسآنك مليون ولا يكفون
ودمت لأعذب الشعر واجزله..،

لاهنت و بيض الله و جهك يا ابو احمد
القصيده جميله من رجل ذوقه عالي

ماعليك زود وبيض الله وجهك وصح الله بدنك وشكرااا على الحضور المميز الذي يزودني شرفاا وشهادتك وسام على صدري ايتها المبدعة.

بيان الغنامي وجهك ابيض ولاهنت حضورمميز يزودني شرفا دمت بود.

صح لسانك يا ناصر
وسلم بنانك
قصيده جزله من شاعر جزل
بيض الله وجهك
وتحياتي لك

صح بدنك ياحافظ وبيض الله وجهك وشكرا على المرور الجميل الذي زدني تشريفاا

شرواك يالسامي بـراس المنيفـات

وشروى الرجال اللي تسد اللزومـي

واللي مكاسيبـه بـدرب المباهـات

شهرة علاقـة بالـردى ماتدومـي

صح الله إلسانك

ابدعت فأجزلت لله درك

وىفر التقدير..

وللطيـب فــي وجـيـه النشـامـا عـلامـات

والــمــجـــد مــطــلـــب والـنــشــامــا تــســومـــي

صح لسانك

أخوي ناصر

جزلة من جزل

صح الله بدنك أختي رغد الشيباني ولاهنتي مرور جميل يزود متصفحتي شرفا ايتها المبدعة دمت بما تحبين.

صح لسانك يا أبو أحمد

دائماً مبهر

لله درّك

وبانتظار غيثك القادم

اخوي باني العتيبي صح بدنك طال عمرك وماعليك زود وش حنا عند اللي مثلك وشرواك مااقول غير الا مرورك مكسب للقصيدة ولي دمت بما تحب.

ونعم فيكم الأثنين ,,
والله يديم المحبه ..

صح لسانك أخوي ابو أحمد ..


تحياتي ,,

أخوي الشاعر الكبير مفرح مناحي
صح بدنك
وبيض الله وجهك
حضورك مميز وتاج على راس القصيد ومن قبلها
تاج على راسي
دمت بخير.

ماعليك زود أخوي بندر ال ناصر
وصح الله بدنك
ومن الاعماق شكرًا على هكذا حضور
ولاهنت
دمت بالخير

ماعليك زود أخوي بندر ال ناصر
وصح الله بدنك
ومن الاعماق شكرًا على هكذا حضور
ولاهنت
دمت بالخير

صح لسانك ياابو احمد قصيدة شامخة بشموخك
القصيدة تحمل الكثير من التساؤلات
ولها موقفها الخاص
لكن على مايقولون
واثق الخطوة يمشي ملكا
والغموض له مفاتيحه داخل الأبيات
وأي شاعر يستطيع كشف الغموض
عموما صح لسانك مجددا وانا بانتظار جديدك ولاهنت.

ابيض وجه ياناايف النايف
وصح الله بدنك
شاعر ولد شاعر لله درك
مرورك تاج فوق الراس
وتشريفك نوماس طال عمرك
لاهنت.

صح لسانك ودمت بخير

بـبـدع المثـايـل فـــي جـزيــلات الأبـيــات

بصدق النوايا اللي تنومس خصومـي

صح لسانك ياناصر

مبدع وأنا أشهد إن قصيدتك تنومس

تحياتي

...

ناصر احمد الخريش


صح لسانك مليون