السلام عليكم اعضاء وزوار غرابيل الادب الشامخ ومتواضعه تترجى القبول
[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشمس من نوره تعذّر بالكسوف=ويشرق نهار الارض من وجه الظبي
حتى القمر ماله ملاذ الا الخسوف= يظهر ونوره ساطعٍ ؟؟!!ماهو غبي
الزين غيم امظلل الغرو العطوف =يمطر جمال يرجّع الشايب صبي
بالزين متفرّد على غيره ينوف=كنّه يردد غير هالزين ايهبي
الموت الاحمر كامن بلمس الكفوف=واشوف لا سلهم عيونه معطبي
سلهامة العين الوسيعه ماتروف=ماكنّها الا هدة الحر الأبي
لا شاف صيده كر ماعنها نكوف=ويصيح مابه مخلب الا مخلبي
ياكيف بامن بحْر سحْريَّ الوصوف=وانا فبحْر الترف غارق مركبي
وكل الدروب تودي لسيد الخشوف=من وين مااهْرب قادني له مهربي
حتى جموح البال خلاّه امعسوف=عاصي ولكن راح مع دعجه سبي
ونبض الوله يزرع بخفاقي سيوف=حصادها ضربات هدّت منكبي
ولو هو معي يبقى بالاشواق امحفوف=الشوق له صاير غِذاي ومشربي
مثل الجفاف اللي على المزنه شغوف=مهما يسيل القاع ما يشبع يبي
يوم الهوى سلمني لحسن الهنوف=ادركت حينه في غرامه منشبي
وبوصّف البسمه ولا فيها حسوف=رغم ان وصف البسمه ايزيد اتعبي
ريم ان تبسّم طرّز البسمه حروف=مضمونها ياعين صلي عالنبي
وثار القلم وانساقت اوراقي صفوف=واشتعلت احباره قصيد ابمكتبي
وقام القصيد ايردد بصوت الدفوف=عيِّشني بسحْر الجمال وعيش بي
وهاجت تنادي من حواليّ الرفوف=نرجوك حمّلنا قصايد فالظبي
والصدر يصرخ يا بدر رغم الظروف=حفظ القصايد بالحنايا مطلبي
وشفت النسايم حول خدينه تطوف=هبّت تداعب غرّته في ملعبي
وثارت عليهم غيرتي واوجست خوف=وقررت اخبّيه ابفؤادي واختبي
[/poem]بدر ناصر المورقي
