[ALIGN=CENTER][TABLETEXT="width:90%;background-color:silver;border:4px double black;"][CELL="filter:;"][ALIGN=center]
الجرافيكس ..
وماهو الجرافيكس .. طبعا انا اخترعت هالاسم لنوع من انواع التصاميم الداخلية الحديثة
لاني بصراحة ما اعرف اسمه الحقيقي .. ولانه يرتبط بالكمبيوتر سميته جرافيكس .
هو نوع من الرسم على الجدران بطريقة بسيطة وغير مكلفة
( خلفية بلون موحد ورسمة وحده بلون موحد ايضا ) ..
كل اللي تحتاجه كمبيوتر وطابعة ولونين من الصبغ فقط .
وطريقة عمل ذلك سهلة جداً .. ارسم باستخدام اللستريتر رسمة باللون الاسود والابيض ..
ثم اطبعة باقل تكلفة .. وحطة في جدار غرفتك .. طريقة رائعة ورخيصة
وتستطيع تغيير التصميم كل فترة لان التكلفة ليس كبيرة .
وفي بعض الناس يظنون انه للشباب وبس ..
انا عن نفسي اعتقد انه متاح للكل وبكل الالوان بس اهم شي تختار اللي يناسبك ويناسب سنك بس .. وتقدرون تبدعون فيه بطرق ما تتخيلونها ..
واهم شي انه على الموضة وسهل ورخييييييييييص .
اتمنى انكم تستمتعون معي بهالفن الجديد وافيدكم بأفكار مفيدة .. يلا بسم الله نبدأ
رسمة بسيطة ومعبرة
مافيه قرودة بعد اليوم تنط على السرير
ما يهمنا الحجم .. ان شاء الله يوصل لين السطح
حلو انه خلا الخلفية معتقة على خفيف واللون البني شيك
ذوق
عبقري
الدرج ماله رب .. طبعا لا
حلو انه ربط الاثاث بالرسمة
لاتخافون .. هالفار مصيود مصيود
لازم لنا مصيدة .. او قطو
لقينا القطو
ماننسى المكتب
اي مكان .. حتى مفاتيح اللمبات والافياش مانسيناها
بدال ما تكسرون يدين بزارينكم .. سووا هالحركة وصيروا متحضرين وفنانين بنفس الوقت .. ولا من شاف ولا من درا .. شخابيط بزارينكم خشيناها بشخابيط احلى
سولك قصة .. ان شاء الله تكتب قصة حياة حارتكم كلها .. احد ماسكك
مو لازم يكون بس بالاسود كل الالوان حلوة .. وخصوصا الاحمر والدليل اللي فوق
شغل مخك .. تلقى فيه بلاوي
بسيطة ومعبرة
ابدع بخيالك
خرفان هايدي لاتضيعون وحدة منهم
الخلفية الغامقة مع الرسمة البيضا صايره روعة
الخلفيه البيضا مع الرسمة الزرقا معطيه للغرفة مظهر منعش
الالوان حط اللي تبي .. اهم شي تناسق الخلفية مع الرسمة مع الاثاث
حط الرسمة وين ماتبي .. على السقف وسط الارضية .. فوق تحت .. الاختيار واسع
طبعا الرسمة لازم تكون في المكان اللي مافيه اثاث
مافي مانع تقسم الجدار لونين
احلى شي فيه انك تقدر تحط اللي تبي .. ان شاء الله صك بيتكم
حلو الاحمر مع الاسود .. وفكرة تركيز الاضاءة على الرسمة جديدة
الخلفية الزرقا مع الرسوم البيضا حلوة وصارخة في نفس الوقت .. بس يبيلها اثاث ابيض وتكون لغرف المكاتب اكثر منها للبيت
الحمد لله القطو كل الفار
فيه 3 طرق لتنفيذ هالطريقة في السعودية :
1- بعد طباعة الرسمة على الكمبيوتر تروحين للمطابع ومحلات الخطاطين واللوحات التجارية
الذين يستخدمون مكائن القص الموصولة بالكمبيوتر وتقصين الرسمة وتلزقينها كستيكر
2- اذا كانت الرسمة صعب قصها .. تاخذين الرسمة بكبرها وتلصقينها على الجدار
3- أن يفرّغ العبارة المراد طباعتها على الجدار من ورق مقوى ثم يختار النوع واللون المناسب ويدهن الورق المقوى بالدهان المناسب ويطبعه على الجدار مباشرة زي الصور التالية بس هذه الطريقة تسمى الاستنسل وهذا النوع من الورق موجود في كل مكان تقدرين تستخدمين الفرشة او الاسفنج او البكرة او حتى الجبس مثل الصور الاولى وبيعطي شكل بارز وحلو..
الجبس
الاسفنج
البكرة
وفي النهاية اتمنى انكم تمتعتوا واستفدتوا .. سلام
.. ودي وردي ..
,
’
,
’
[/ALIGN][/CELL][/TABLETEXT][/ALIGN]
