حالة عدوك حالتي يابن الاجواد
.......................... ماعدت افرق صاحبي من عدوي
غديت لكبار المخاسير .. معتاد
....................... وماصرت اخاف من السقوط المدوي
تساوت الضباط عندي بالافراد
......................... وتعادلت .. عتمة ظلامي و ضوي
لو كان لهموم المخاليق تعداد
............................. وثّقت بالرسم البياني .. علوي
وشفايدة صبري اذا الحمل يزداد
....................... ووش .. لازمة بعد القرار التروي
حتى الحبيب اللي قبل مصدر اسعاد
.................... شح .. وغدى مصدر .. لتعكير جـوي
صاير على الزله تقل هيئة ارصاد
......................... وش مااسوي فيه وده .. يسوي
عمر الغلا ماتنتجه ... بذرة عناد
......................... لو كل صبح اسقيه من وبل نوي
تبغى الصحيح اعلمك ... يابن الاجواد ؟؟
......................... مايجتمع دغري .. ودرب امتلوي
:
:
