بسم الله الرحمن الرحيم
بعد الغياب أعود بهذه القصيدة التي كتبت بعضها في أول مشاركة تحت لقبي المستعار(الحزن الرغيد) وها أنا أقدمها لكم كاملة بعد دمج الاسم واللقب والتعديل واتمنى أن نتال إعجابكم..
آخر كلامي قبل ماأبدي لجفيا
وأبغى تركز في كلامي عشاني
لا صار ربحي في المواصيل كيا
وبانت نوايا حضرتك يالأناني
ولا صرت في دنيا المحبين حيا
والشوق ميت في غرامي وفاني
وما تمتلك في عالمي كون شيا
وماهو جدير للذكر في لساني
باح الصبر وما عاد يا صاح فيا
للحب مستوطن بداخل كياني
لا تقول وش غير فؤادك عليا
وأنته مغير عن فؤادك حناني
وكانك تبي الإثبات عالجرم هيا
في عالم التفكير شاهد عياني
فكر وفكر وافتكر خمسة أشيا
بيني وبينك يالغضي بامتعاني
الأولة اليا متى العذر أليا
دام الليالي تدور عالمودماني
والثانية تدري ولا به خفيا
بانك حبيب لقلب مافيه ثاني
والثالثة هجران خلك بليا
عذرن يطفي نار حدب المحاني
والرابعة لو هي دنت بي المنيا
بتبكي على فرقاي والا عشاني
والخامسة من دون شوش وحميا
وش موقفك لو عشتتها في مكاني
وان كان فكرك مافهمني وعيا
هذا ترى المضمون بأبسط معاني
أنس وتناسى واطو ماضيك طيا
بكيفك قبل يطويك حاضر زماني
لو كان باقي فالصدر قدر ليا
لو ربع مابقيت غصب وحداني
أحشم جنابك واتركك وسط فيا
لاجيت من الرمضا على الفكر عاني
ولا تفتكر ذا ضعف لجل اتهيا
وانت تخبر ماقد ضعفت لثواني
لكن ذا زبدة كلام الجفيا
ياللي حلمت وما ملكت الأماني
لا صرت تملك شي ماهوب شيا
آبملك لساني مدامه حصاني
