اقرب شاعر ولاليت تكون مباشره

بعد طول الغياب اتيت لاأصارع الذئاب
السلام عليكم ورحمة الله وبركاته اخواني واخوتي في منتديات غرابيل اسعد الله اوقاتكم بالخير والمسرات بعد طول غيابي وظروفي الخاصه التي امنعتني من دخول هذا الصرح الكبير اتيت مجدداً لقسم المحاوره الشعريه الذي بقيت فيه عدة ايام لاتنسئ


[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلام ردية وفا تسوئ ملايين النقود= من هاجساً لامن بغئ يأتي علئ وقت الطلب
الليل والميدان نارً قدحها برأس الزنود= والجاهل اللي مايعرف النار يقرب للهب
[/poem]

مرحبا بك بعد طول الغياااب ,, وأنا أخوك ,,


صح الله لسانك ..



وننتظر قبيلك :


لـيكتمل الابـدآع ..



تحياتي لك ..





أخوك




مشعل @@

الله يسلمك ويعافيك يامشعـــــــــــــــل

ليتك والله بنطت علئ شان امسك الخط السريع هههههههههههههههههههههههه

صح لسانك وقلبك نجم

كاسب العز صح بدنك يالامير

صح لسانك يا نجم ... جزل ...
والله يعين قبيلك ...
تحيتي ...

اقتباس:

---

المشاركة الأصلية كتبت بواسطة لذيــــــــــذ

صح لسانك يا نجم ... جزل ...
والله يعين قبيلك ...

تحيتي ...

---

صح بدنك يالذيذ واشكرك بعنف علئ المرور

نجم العتيبي

صح لسانك يا نجم

وافق الإسم المسمى

اقتباس:

---

المشاركة الأصلية كتبت بواسطة طقم صحون

نجم العتيبي

صح لسانك يا نجم

وافق الإسم المسمى

---

طقم صحون صح بدنك 12 مره

صح لسانك يا نجم . واستلم والله يجيب العواقب سليمة ههههههههههههههههه

يامرحبا بك يانجم وأرقى على القمة سنود
أبشر بشعرٍ يذهلك صرفه كما صرف الذهب
الظاهر إنك يا نجم حاشي من الرجة هبود
تبى تحرش بالزمل وأنته على حد الركب

صح لسان الشاعرين

ههههههه استلم اسلتم
[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
دام البقا ياصاحبي لاعلك دايم بالوجود= لاكن من فوقك علامه ماوضح فيها السبب
الفارس اللي طعنته مضربها وسط الكبود= ابا انصحك لاتقربه الا معك سيفاً حدب
[/poem]

صح بدنك ياحليمه

شفته على جنب الطريق يضحك من نفض الجعود
والظاهر إنه ينفضه يا صاحبي سبت عطب
والفارس اللي تذكره ما ظنتي يقدر يذود
يا خاف من صوبي تجيه الصاعقة معه شهب

............................ الله يستر .............................

[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انت موظف ياوسيع العرف في بند البنود= لاكن واظب بالعمل لاتعامل الناس بغضب
دنياك هاذي وينها في الصادرات والا الورود= راحت حياتك وانت تتبع من عرب اليا عرب
[/poem]

وأنته موظف يانحيل الجنب مع شلة زيود
مشغول معهم يالعتيبي عند سيسان وعتب
ودنايي هذي عامرة والناس من حولي شهود
وأنته تعاني يانجم من موس يحلق لك شنب

ياسلا م صحت السنتكم جميع ابداااااااااع ابدااااااع

اقتباس:

---

المشاركة الأصلية كتبت بواسطة المعترض

ياسلا م صحت السنتكم جميع ابداااااااااع ابدااااااع

---

صح بدنك يالغالي والأكثر إبداع تواجدك

[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حنا عيال شيوخ ياهداج معربة الجدود= ماني من اللي لانشدته يبتلش ماله نسب
ماانته معي بالدرب لاكن خلك مهتم بالردود= وابك استفد من شاعر الشعار لامنه لعب
[/poem]

اقتباس:

---

المشاركة الأصلية كتبت بواسطة المعترض

ياسلا م صحت السنتكم جميع ابداااااااااع ابدااااااع

---

حياك الله يالمعترض وصح بدنك تنتهي صلاحيتها عام 1432

الله اكبر الله اكبر الله اكبر الله اكبر ..


سلام يانجم .. ولايهون هداااج ..


أسر ياليل ....

اعتيبة الهيلا ترى فيهم صناديد وأسود

ونجم العتيبي منهم لكن كاسيه الجرب

وأنا على الطالة جري وأنته مصفد بالقيود

وفعلي على اللي مثلكم يغني عن أنساب ولقب

الله الله

صح لسآآآآنكم ونعم فيكم انتو الاثنين


متابع للابداع

هههههههه استلم استلم
[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انت كما اليوم لامنه تعدئ مايعود= أخذ الكلام من صاحبك لامني قلته ينحسب
تتعب من كثر الجري ياضنتي مامنه فود= لاكن انا بنصحك مالك في الشقاوه والتعب
[/poem]

اقتباس:

---

المشاركة الأصلية كتبت بواسطة ابراهيم الحمادي

الله الله

صح لسآآآآنكم ونعم فيكم انتو الاثنين


متابع للابداع

---

صح بدنك يالحمادي وماعليك زود

اقتباس:

---

المشاركة الأصلية كتبت بواسطة مشعل الثبيتي

الله اكبر الله اكبر الله اكبر الله اكبر ..


سلام يانجم .. ولايهون هداااج ..


أسر ياليل ....

---

ارحب يامشعل واشكرك بعنف علئ المتابعه لك مني اجمل تحيه

استلم يا نجم

إن الفتى لاجات حزّاتٍ بها اللين يكود
عيبٍ عليه يقول جدي شيخٍ لهاك العرب
وجري كما جري الذيابة يانجم وإلا الفهود
أنومس الأصحاب ويقولون عز الله كسب

[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البندقيه في يدي عان الهدف في راس عود= وهاذي منوة الرماي لامنه اجاد اصب
قول المثل صب احقنه لا مانقص ماجاء بزود= ياطش راسك ياعجب لله لله العجب
[/poem]

الإخوة المشرفين حصل عندي مشكلة في معرفي اللي هو هداج 88 بشكل مفاجأ رفض تسجيل دخولي أرجو حل هذه المشكلة و استرجاع معرفي السابق وحذف هذا المعرف .

( استلم يا نجم )

الطرقة العدلة ترى قامت تعاني من شرود
وترى السبايب واضحة النجم فلًّا بالعنب
والظاهر إنك ذابلٍ ياصاحبي مثل الورود
مير استرح يا ذا النجم فوق الأريكة والكنب

الخاتمة عندك أخوي نجم العتيبي والحقيقة تشرفت باللعب معك وشكرا جزيلا لك .

صحت السنتكم ولاهنتو
ابدعتوا وامتعتوا

اقتباس:

---

المشاركة الأصلية كتبت بواسطة سامي العطاوي

صحت السنتكم ولاهنتو
ابدعتوا وامتعتوا

---

وألانت ياسامي وصح بدنكـ

اقتباس:

---

المشاركة الأصلية كتبت بواسطة هداج8 8

الإخوة المشرفين حصل عندي مشكلة في معرفي اللي هو هداج 88 بشكل مفاجأ رفض تسجيل دخولي أرجو حل هذه المشكلة و استرجاع معرفي السابق وحذف هذا المعرف .

( استلم يا نجم )

الطرقة العدلة ترى قامت تعاني من شرود
وترى السبايب واضحة النجم فلًّا بالعنب
والظاهر إنك ذابلٍ ياصاحبي مثل الورود
مير استرح يا ذا النجم فوق الأريكة والكنب

الخاتمة عندك أخوي نجم العتيبي والحقيقة تشرفت باللعب معك وشكرا جزيلا لك .

---

هداج كفيت وفيت وماقصرت افضل واسعد الاوقات اني لعبت معك يعطيكـ العافيه واتمنئ لكـ الكثير والكثير في ايامكـ المقبله ولكـ مني خالص الشكر والعرفان ولايسعني ان اتقدم بالشكر الجزيل الئ اخواننا الذين شرفونا بتواجدهم معنا ومشاركتهم العطره وهذا يعتبر حافز وليس بغريب من اعضاء وادارة منتديات غرابيل اتمنئ للجميع التوفيق والسداد,,,,,,,,,,,,,,,




نجم العتيبي