مربع تنسيق القصايد مختفي
بس القصيده هذي مثل فرد حمزه
بتنسيق والا بدون تنسيق :)
صلوا على النبي
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مابه جديد إلا أنها راحت وخلتني وحيد=من يوم راحت يامحمد حالتي يرثالها
من يوم غابت والهجوس تقول جتها أم العبيد=هجوس ياما أسعدتها وأزعلت عذالها
كن الرياح العاتيه لا حركت خضر الجريد=قلبي إذا هزه هواها واستحال اوصالها
أستوحشت كل الأماكن وابتدا الحزن الشديد=أللي يزيد إذا عرفت أنه خَلي مدهالها
هي (سيدة عصر النساء) هذا الكلام اللي أكيد=حتى لو أنه ماجد الرشدان قبلي قالها
رح ناظر أرشيف القصايد ليه أزيد وليه أعيد=تلقى وصوف الفاتنه والله يستر حالها
ياكثر ماسقت القدم ما طعت من رايه سديد=دست المخاطر والمسافه ماحسبت أميالها
من الخبر للشارقه للعين ياساعي البريد=هاك الرساله والستاره توّ حان إسدالها
عن حب عمره حول خمس سنين يحسب في رصيد=قلبٍ يشيل لها الوفا دام الوفا منوالها
قبل الوداع أهدت جنابي أغنية عبدالمجيد=اللي توشوش وأحسب أنه ماضبط إرسالها!
يالله عساها للسعاده دوم والعمر المديد=والله يهني من أخذها والمحبه نالها
أنا أشهد أنه حصّل المطلوب والحظ السعيد=من بعد مافك القفول أللي قوي أقفالها!
قسمه ونصيب ويفعل الله مايشاء ومايريد=والنفس في حيره مابين الآمها و آمالها
هذا الجديد ان كان تنشد وش جديدي من قصيد=اتعب على اجزال القصايد ما ألتفت لأهزالها
[/poem]
