بسم الله الرحمن الرحيم
أسعد الله أوقاتكم بكل خير..
اشتقت كثيراً لتعليقاتكم..
لذا قررت أن أجدد العهد.. بهذه المتواضعه.. وليدة البارحة
عسى أن ترقى إلى ذوائقم..
صببت فيها كل مايدور في رأسي وقتها.. أتمنى أن لا أشتتكم كثيراً :)
قبل البداية.. أريد منكم العهد.. بعد النهاية.. ^_^
7
7
7
تدرون عاد..
قررت اهاجر من بلاد الى بلاد
بيوتها رمل وحصا وسكانها صاروا رماد..
ما ابي ابد أشوف احد
مليت عيشه في كمد
محدن يحسب حساب أحد
أو يعني بعباره أدق
الحشمه طيرها الهوا
الا على طاري الهوا وأهل الهوا
الحب تزييف وخداع
والعشق لفظة انتفاع
والا الوفا مامن وفا
مدري..
ولكن والله العالم مع مرور الزمن طاحت من القاموس
والحب لفظ من شعور صابه وهن
هذا جديد أهل الهوا في هالزمان
الا الحتات الي بقا
تدرون وش قل الحتات؟!
لكنه أكرم.. يانغم سير الحيــاة
التفتوا لاهنتوا معي
شوفوا جنون الإمعه
شعره بعد مترين فوق
ولا يمشطه أربعه :معقولة::وردي:
ونزلوا أعينكم شوي
البنطلون ال(سكني)
باقيله سنتي وبيطيح
يالله نطلبك السعه
والا البنات وما البنات
الناعمات الفاتنات
صارت عبايتها شكل
يحتاج شغل مصممات
هذا الشي الي نرى
والا القلوب وما خفا..
قصه ..تبي صفحه جديده
والحبر.. صبغة سواد الحقد
وجحود العباد..
تدرون عاد
مليت من كثر الحكي ولاهو يفيد
ياما تكلمنا ولا شفنا جديد
الا الجديد الي تخبرونه صبغناه بسواد
ما أنكر ان الخير فيه
والشر لو طالت يديه تب تنكسر
يالله عساها للكسر
لكن دايم قولهم.. الخير يخص والشر يعم
مدري بتحطون يديكم في يدي ونغير العالم سوا
والا اهاجر يمها.. بلاد الرماد؟!
الجمعه
١٦/٥/١٤٣١
وش قلتوا؟! تبون أنين والا فكه هع
ومضه:
لتغير العالم ابدأ بنفسك أولا
لكمـ جل محبتيـ
:عنون:
