مــدخـ / ــلـ .,
.
.
عيــونكـ آللـي قلـوب النــآس تآسرها .,
.. من شآفهــا ..
تـفـتنـه ويصــير مفتـونـكـ .,
,’
آحم آحم
السلام عليكم ورحمه الله وبركاته ..
كيفكـ يآ بنآت حوآء
الصـرآحه من زمآن مآ نزلتـ موضوع هـون
قلـت يآ بنت استحي كل مـره أخـش على المنتدى لا مآ أنـزل
والله عيـب ..
بس هذآ المره جآيتكم بموضوع عدل وسنع هع .,
اول شي بقلكم وش قصة هالموضوع
طبعا مثلي مثل اي غرآبيليه ودها تفيد هالمنتدى وكذا مآشي
قعدت افكر واحووس برااسي وش هالموضوع اللي بنزله لهم
مكياج والامومه والعناية بالشعر والجسم وكل ابو شي موجود ماشاء الله ..
ومـره كنتـ عند المغربـي .,
رآيح مع مآمتي تسويلهآ نزآره قديده وعدسآت
الرجآل إلي في المحل يشرح لأخويآ عن العدسآت
المهـم ...
< مالكم بالطويله < هاذا كله ولسا مالكم بالطويله
مثل ماهو واضح الموضوع عن العدسات ومافي بنت اظن بالكون ماعندها عدسات ملونه
الا الاجانب ظني ماهم بحاجه لها
خصوصا مع المكياج بيطلع
بس مو تلبسها وتتمكيج وترووح للسووق تراني براء من اي وحده عجبتها عدسة ولبستها فيما لا يرضي الله
راح اقسم الموضوع الى اقسام كالتالي :
A- قبل شراء العدسات
1- الذهاب الى الطبيب
2- اختيار ماركه ولون العدسة المناسبه
B- بعد شراء العدسات
1- طرق العناية وتنظيف العدسات
2- طريقة لبس واخراج العدسات
********
A- قبل شراء العدسات
1- الذهاب الى الطبيب
قبل الوحده فينا ما تفكر تشتري عدسات عادية ماهي طبية لازم تكون واثقه
ان نظرها ما شاء الله مافيه مشاكل
لان الاولى انك تشتري عدسة طبيه لو احتجتي لها ..
فيا بنات احسن انك تشيكي على نظرك وبعض المحلات النظارات والعدسات
عندهم آلة كشف النظر < ماانصح فيه ابد
2- اختيار نوع وماركه العدسة المناسبة
1) freshlook ( فريش لوك )
مميزاتها:
موجوده عند كل المحلات حتى الصيدليات منتشره .
خفيفه جدا ولينه.
حلوه وطبيعيه فى الوانها .
ألوانها خفيفه
واعتقد أنها اكبر شركه تحتوي على مجموعه كبيره من الألوان ومتنوعة وهي عبارة عن ثلاث مجموعات ...
ـ مجموعه خاصة بالعيون الفاتحة وأسمها { freshlook dimensions
مجموعه خاصة بالبشرة الحنطيه والسمراء وتحتوي على محدده وغير محدده وهي المجموعة الكلاسيكية { freshlook color blends
ـ مجموعه باللمعة وأسمها { radiance
وانا بالنسبه لي شخصيا استخدم فريش لوك احس الوانها مره كثيره ومجموعات بس اشتريت اخر شي عدسات من الشركه اللي شوي بنتكلم عنها صراحه اللون مره روعه
وهاذا بعض الوان العدسة
2) الشركة الثانيه Tri kolor ( تراي كولور )
كثير اتكلمو عنها الفتره الاخيره
بس تراها مرره فاتحه حتى على العيون السودا ,,
المميزات :
شكل روعه
ألوان ممزوجه بشكل ممتاز
طبيعيه
بتكبر العين جدا بشكل راقى وجميل
منتشره عند الكل
طريه ولينه تناسب العيون الحساسه ..
مثل ما قلت فوق اني اشتريت من هالماركه اللون الاخضر
الوانها :
تنبيه مهم
الاسواق الآسيويه
نزلت نوعيه عدسات اسمها تراي كلر برضو
بس الفرق في كتابة اسم الماركه
يعني اللي تكلمنا عنها فوق اسمها
Tri-Kolor
اللي نزلت عندهم اسمها
Tri- color
بس شايلين الـ k..وحاطين الـ c...
وهذا شكلها
طبعا ملاحظين الفرق الشاسع بين النوعين .. الاول فاتح مرره وواضح .. الثاني غامق وطبيعي لان الاسيوين بشرتهم بيضا .
3) عدسات (acuvue) من جونسون أند جونسون ..
المميزات :
- طبيعيه جدا
-مرنه وخفيفه
-ناسب العيون الحساسه
عدسات شهريه .
فيه مجموعه خاصه بالعيون الفاتحه
وفيه مجموعه خاصه بالعيون الداكنه
وأسعارهم بمتناول الجميع ..
وعندهم عرض تكون اكثر من لون في نفس العلبه واظن
الشركات الثانيه موجود عندها هالشي والله اعلم ..
بالنسبة افضل هالنوع بالعدسات الشفافه الطبيه مريحه جدا
وتخلي العين رطبة
العيوب :
- ماتحصليها بأي مكان يعني اتوقعي انك تلفي
على محلين او اكثر الا ان تلاقيها
واخر نوع من انواع العدسات راح نتكلم عنه هو
4) عدسات توتي
وهاذي الوان العدساات منها
مالي خبره بالعدسات هاذي بس كثير يحبوها قلت اغطيها بالموضوع ..
B- بعد شراء العدسات
1- طرق العناية وتنظيف العدسات
طبعا يا بنات العدسات لانها تكون بالعين والعين عضو حساس جداا
عند تنظيف العدسات نراعي الاتي :
اولآ : غسل اليدين بالماء والصابون
ثانيآ : وضع العدسة في راحة اليد ونضع عليها
قليلا من المحلول المنظف الخاص بالعدسات وليس الماء لانه يسبب
جفاف العدسة < احيانا احط مويا اغسلها وبعدين احط عليها المحلول
ونحرك العدسة بحركه دائرية بأصباع السبابه
http://sub3.rofof.com/img4/04hpryn28.jpg
ثالثا : نحطها في علبة العدسات الخاصه
بعد ما نكون نظفناها ولا ننسى ننتبه نحط العدسات اليمين في جهة اليمين
واليسار كذلك < احلا يا لغة عربية
عشان لو العين فيها التهاب والا اي ميكروب وال ايآ كان
ما تنتقل للعين الثانية حتى لو بعد التنظيف
وطبعا الحين ظهرت علب اشكال والوان للعدسات تكون فيها مراية ومحلول صغير وعلبة العدسه وشكلها مره كييوت
ونغطي العدسة بالمحلول ..
وظهر تحذير http://www.g111g.com/vb/images/smilies/eek.gif قبل فتره من محلول Complete Moisture Plus حبيت اذكرو مره وحده
لان هالمحلول سبب التهابات وامراض بالعين عشان
كذا انتبهى لنوع المحلول وتاريخ الانتهاء
والمحلول يتغير كل مرتين نستخدم فيهم العدسات
وهاذي صورة المحلول
والحين انتهينا من عملية التنظيف والعدسة جاهزه للبسها ,,
2- طريقة لبس واخراج العدسات
في بنات الين الحين ما يعرفو يلبسو العدسات
ويضطرو يتسدحو ويخلو اي احد يلبسهم < اعرف وحده من هالنوع
ترا طريقتها مرره سهله بس لازم تعودي يدك عليها ,,
حطي العدسة على اصباعك السبابه بطريقة صحيحه وهي مثل الصورة اسفل
انتبهي لتقوس العدسة عشان لا تتعبك يعني ما تكون مثل هالشكل
ونحط شوية محلول عليها زيادة على التعقيم < والله لو داخله عمليات
ونرفع الجفن الاعلى بيدنا الثانيه ونقرب من المرايا عشان نشوف اوضح
وهوووبآآآ ندخلها بالعين على البؤبؤ على طول << هاذي طريقتي
انا اناظر بوسط العدسه واحطها وفي ناس تحط العدسة في بياض العين وبعدين تحركها
بالنسبة لي افضل طريقتي احسها احسن بدال ما احووس بعيوني
عاد بعدين مغمض عيوننا ونخليها ترتاح شوي وتدمع لان المحلول يطلع شي طبيعي
بس في ناس ما شاء الله ما تدمع ,,
والحين ابدأي سوي مكياجك وخلافة واطلعي وانبسطي ولا تنسيني <
ولا خلصتي من سهرتك انزلي كملي < اية هون
وطريقة اخراج العدسة مثل هالصوره يا حلوين
او بطريقة اوضح
ولا تنسي تعقمي العدسات بعد كل لبسة وتحطيها في علبتها اليمين في اليمين واليسار في اليسار ,,
واخر موضوعي..
ان شاء الله يكون عجبكم .. ولو استاهل ابي دعوة باللي فيه خير لي وينولي لي اللي ببالي ..
بين يدكم ..
Go !
مخـــ / ــرجـ .,
.
.
مــوتي وأنآ حـي يســتوطـن محــآجرهآ .,
مآ بينــي وبينــه إلا ..
( غــمزة ) جفـــونكـ .,
’
,
’
,
